اش رايكم طبعا ابو زوجي متزوج على ام زوجي ومادرينا الا قريب
طبعا ابو زوجي سافر مع ام زوجي للعمره من يومين وزوجته كانت برى المملكه في ديرتهم
بس جابها هنا عشان يسوون اوراق مدري ايش لان عندها ولد عمره 5شهور وبما ان ابو زوجي سافر
قال لها تكلم اولاده وزوجي الكبير يجيب للولد حليب واغراض المهم اليوم كنت معاه وفجأه دق جواله ومكتوب
جوال الوالد رد بس وانا اسمع صوت حرمه وزوجي حمر وجهه خاف وقال خلاص انا جاي وسكر
وانا بغيت انجن مين هذي:angry2: قال لي السالفه بس امني ماتعرف امه ولا اخواته لانه بتسير مشكله
واحتمال تتعب امه وجلست شويه ودقيت الا هو عندها واسمعهم يتكلمون ويضحكون عشان الولد يقول
سبحان الله كانه حس فيه يضحك لي وبكى لما رحت المهم بعد ماسكرت تقول عادي تعرف زوجتك قال عادي
المهم يقول يوم رحت كانت تبكي وتشكي من ابوي وفهمتها ورضيت وكلمني ابوي قال خرجها تتمشى وتاخذ اغراض
انا زعلت قلت مالك دخل فيها ماقلت لك شئ ودي لها اغراض لكنه مدري تمشيها وتراضيها لا ياعمري انت لا زعلتني
ماراضيتني ومشيتني تمشي زوجة ابوك وقلت له اصلا انت ماتحب امك لو تحبها كان قلت لأبوك معليش
اجيب لها اغراض ايه بس امشيها اعذرني هذي مهمتك و هذي مو امي وخاصه ان ام زوجي حلفت عليه مايسكنها في بيتهم واذا بغى
يتزوج يروح لها لانها تتعب وهي كبيره والله انا اول ماعرفت زعلت وبكيت تخيلوا وهو ماهمته يوديها ويراضيها
بالله اش رايكم وهذي مو اول مره يروح لها ويجلس ويضحك معاها انا ماعندي مانع يعطيها اغراض بس هو زودها والصراحه
بديت اخاف على زوجي تعجبه ويتزوج من قرايبها لا واليوم يقول تبغين عشا قالت احنا مانتعشى
وقال لي يقول مو زيك تحافظ على صحتها هذا اللي قهرني خايفه مدري وش اسوي وخاصه انه حب الولد
وتعلق فيه يقول بغيت اجيبها عندك
قلت لا والف لا ياحبيبي بكره لادرت امك تسوي لي مشكله وانا والله اني متعاطفه مع امه واحببببها ولا ارضى فيها
وهذا يقول اجيبها
وبعدين اخاف من كلام الناس لاشافوها رايحه جايه معاه يطلعون عليه كلام وخاصه انا في قريه ماتخفى عليها خافيه
تزاعلت انا وياه وقلت ماعاد تروح لها الا تودي اغراض بس قعده مالك دخل فيها موجوعه كأنها امي
دلوني بالله اللي اسويه صح واللي زعلني كلامه فيها حلوه ومهتمه في صحتها
واخاف يتزوج علي صراحه لو هي تدله :06:
لا ويوم قلت ليش ابوك كذا قال خليه يتمتع في نهاية عمره بالحلال ولا بالحرام لانه صاحب سفريات وكلامه ماريحني لانه مازعل على امه لو غيره كان وقف مع امه
وساندها مو ضدها معناه انه حتى هو وده هذا اللي خوفني زياده
والله زعلت بقوووووووووووووه
ليه كذا يابنات تقرون ولا تطلعون عالاقل ارفعوا والله اني في هم
شاركي في النقاش
سجلي الدخول لإضافة تعليق.
التعليقات
125- علمي عليه امه قبل تخرب عليك بيتك بس امنيه انها ماتقول انك انت معلمتها
- والله مشكلتك مشكة لازم تنتبهي وتكوني حرييصةحاشا هذي كانها مو مرة ابوه
ادعي الله سبحانه انه يصرفه عنها ويصرفها حريم اخر زمن وربي ماعاد فيه امان ياختي والله مابي اضيق صدرك بس فيه واحد متزوج ومسوي علاقة مع مرت ابوه وزوجته ماقصرت معه لين نساها والدعاء اهم
الله يكون بعونك يارب - ياعسل هي ماتدري بس تحس مستحيل انا اعلمها هي حست بس ماتبغى تصدق تكذب كلام الناس ولهم 5سنوات
عمتي عندها عزة نفس ماحد يدري وش اللي داخلها الله يخليها لنا - احسن شي علشان تصرفينه عنها تعلمين خالتك
بس اذا تعزك امنيها واكيد ماتعلم عليك
الله يعيننا احنا الحريم ضعيفات لاحول ولاقوة - لا لاتعلمين ام زوجك ولا لك علاقه بالموضوع
زوجك.. خلك طبيعيه معه
ايه فيك الخير والبركه تقضي مصلحة ابوك وتقوم بالواجب بغيابه
بيقوم يروح لها قولي انا بروح معك
بيمشيها قولي بقوم معك..
مواضيع مشابهة
تابعي تجارب أخرى من هذا القسم.