كل مشكلة( من مشاكـــل الخادمــــات) لها حل

اول شيء شغالتي اندونسية عمرها 20 اول مرة تشتغل

- (شغالتك ما تسوي شي الا اذا قلتي له سويها حتى لو كملت السنة اذا ما قلتي له اكنسي هني و امسحي هناك ما راح تكلف خاطرها وتقوم تشتغل)
هذه المشكلة فعلا عانيت منها لآخر يوم كانت هي عندي ؛استفدت من بنات المنتدى في موضوع الجدول أول شيء صممت الجدول بالعربي و ضبطه وعدلته بحيث يتناسب مع اعمال بيتي وبعدين رحت عطيتها نسخه بس طبعا كان فارغ ومرينا على كل ركن في البيت و هي تكتب على الجدول بالاندونيسي وكل يوم اشوفها ايش سوت
النتيجة: فادت نوعا ما بس المشكلة اذ قلت لها نظفي غرفة الضيوف (مثل)ا تقولي مو اليوم مدام يوم الاربعاء

- تبي تاخذ يوم عطلة
ما طلبت مني هالشيء

- حركات و علاقات مع السايق\ولد الجيران\صاحب السوبر ماركت...اي حد
هذه عاد وايد 1- ولد جيرانا و اكتشفها زوجي و هددها بالمسدس(انا ارعبت هذيك اليوم كنت بالتاسع زين ماولدت لحظتها) وصاحت صياح تقولون هذه خـــــلاص ما عاد تعيدها...2-واحد من العمال الي يبنون وراء بيتنا انا شفتها و زفيتها بس قلت لزوجي خفت يذبحها
3- الصباح اخذها هي وولدي بيت امي ياني اخوي ( 22 سنة) و قالي ترى شغالتك قليلة الادب تجي تسوي نفسها تبي تنظف غرفتي وتجعد تتميع و تعمل حركات

هذا كان واحد من الاسباب الي سفرته علشانه...

- ملابس ضيقة و تكبير اظافر و نفش الشعر
الملايس لما اقولها ضيق مو بزين تغيرهم

الاظافر اشتريت لها مقص اظافر بس ما كانت ترضى تقصهم قلت لها يا تقصيهم بروحك يا أنا اقصهم لك
الشعر كانت متحجبة


- تضرب الاطفال او تصارخ عليهم
كانت لطيفة مع ولدي و أولاد اخواني

- تبي تشتري تلفون
هذا كان السبب الثاني الي سفرتها بسببه

- ما تكوي شيء الاتحرقه ولا تغسل المواعين الا تكسرهم
كانت شاطره في الكوي اما غسيل المواعين ما كانت تكسر(مرة كسرت جلاص و مرة دلة وولدي للماء الساخن ما قلت لها شيء لأنه يحصل) بس اذا شيء ما غسلته زين اقوله تغسله مرة ثانية

- عنيفة في التعامل مع الادوات المنزلية مثل المكنسة و الغسالة...الخ
ايه كانت عنيفة وكنت احسها تتعمد يعني تشغل الغسالة و بعدين ترمي كل مرة قطعة ملابس فتظل الغسالة تشتغل و تتبند 1-كلمتها
2- قلت لها اذا اختربت بخصم قيمتها من راتبك

- تصحى متأخرة و من اذان المغرب عاد في غرفتها و طافيه الليت
اشتريت لها منبه و مع ذلك كنت انا الي اروح اصحيها بعض الايام أما مسألة انها تدخل تنام بكير بعض الايام ما كنت اقول لها شيء مع انه زوجي كان دايما يقول لي خليها تخلص شغلها و بعدين تروح تنام
- تزعل و تضرب عن العمل
هذا الشيء اكرهه آخر مرة زعلت لأنها تريد تلفون وجعدت يومين ما اشتغلت مضربة في الغرفة
قلت لزوجي احجزلها ...سفرتها


يالله يا بنات شاركونا انا الحين بصدد اجيب شغالة جديدة ابي اعرف كيف نحل مشاكلهم

أنا ما عندي شغالة و لا اعرف اتعامل معاهم.....
بس استفدت جدا جدا من تجربتك والله ... جزاك الله خير لان طريقتك معقولة جدا
آسفة ادري ما أفدتك كان ودي بس ما حبيت اطلع بدون كلمة شكر

حبيبتي MARIGOLD مشكورة عيني و كلك ذوق

و خلينا ننتظر مع بعض افكار باقي الاخوات

ليش كذا يا بنات؟؟؟؟؟؟؟؟؟؟؟؟؟؟؟؟

كل الي قصدته نستفيد من بعض

أنا لاعيه كبدي من شغالتي اللي تسد النفس
هبله نسأل الله العفو والعافيه
نقالة كلام
تسوي مشاكل مع باقي الخدم في البيت
واكثر شي مكرهني فيها وصخه اخاف لآكل شي من يدها بدون مراقبه لأنها ما تغسل المواعين
وتحط فيها الاكل على طول
والحين ابغي اجيب خدامه ثانيه لأنها بتخلص فيزتها
شو رايكم اجيب جديده والا مشتغله من قبل
ومن اي جنسيه
وتكون ام عيال متزوجه والا بنت صغيره
وهل باعتقادكم بتتعلم بسرعه لو كانت جديده
وآسفه على الاطاله وشكرا على الموضوع