غرفت نوم حيرتني اخذ الرخيص وامشي الحال ولاااااااااااااااااااااااااا

انا لوعلي اخذ الارخص لانه بعداربع سنوات راح تنزل اشياء احلى
ماادري هاذا الي اشوفه

شوفي خيتو في غرف نوم مرا حلوه وشكلها انيق لكن الدواليب تتكسر الخشب يتآكل
انا للأسف ما اعرف شي بالمفروشات لسى ماجهزت بيتي
لكن لمن كلمت زوجي قالي عن مفروشات المطلق وفي عروض حلوه عندهم دي اليومين
غرفة نوم مخفضه من 10000 إلى 4500 تقريبا

وضمان على المفروشات اتوقع 20 سنه ولو تبغي تسوي صيانه يرجعولك هي كأنها جديده
طبعا هدا كلام الهوزبند لكن لسى ماجربت ولا رحت

وهدي من غرفهم



ولو انتي من جده كمان ممكن تروحي كيلو اتنين تلاقي هناك مفروشات وتفصليها على مزاجك
ماما الله يحفظها فصلتلي انا واختي غرفه دولابين وسريرين وشوفونيره و2كومودينو ومازادت عن الـ 5000
وماشاء الله زي ماهي لأنها خشب خشب مو اللي يجي نشارة مضغوطه


لكن نصيحه مني ايكيا بالاثاث مرا لاتقربيه
هو صح كشكل مرا واااو
لكن اختي مجربه غرف نومهم اتكسرت خلال سنه وحده متخيله انتي..!!
لأنو كمان ماشاء الله عندها اطفال ويدخلو ينقزو بالسرير مسوينه نطيطه خخخخ
ودحين اشترت من مفروشات العامر اتوقع ما اعرف بكم لكن ماشاء الله الغرفه لها يمكن سنه وزي ماهي متينه

انا من رأيي تأخذي الأرخص..

لأن كل سنهـ أو 6 شهور يتجدد الديكور..

وممكن تأخذي من ( هوم بلازا ، كيكا ، إيكيا )..