سلام عليكم ياحلوين ماراح اطول عليكم
حبيت انقلكم تجربتي مع ابرة الظهر والدكتورة هبه فؤاد عشين الكل يستفيد
اول شي روحت للدكتورة وانا في الشهر التاسع في الاسبوع التاني قالتلي كل شي تمام الحمدلله استني تجيكي ولاده المهم استنيت ماجا شي جا موعدي الاسبوع ايلي بعدو الموية قلت طلع عندي تسريب يالطيف ياربي ههههه المهم حددتلي يوم الربوع اجيها ولادة طلق صناعي قعدت ابكي لا ني جربتو في بنتي وشفت الموت وجاني اكتئاب الولاده المهم قلتلها ابغى ابرة الظهر قالت يسير خير وقتها
روحت يوم الربوع خمسه الصبح زي ماحددتلي الدكتورة دخلت على طول غرفة الولاده من غير الم ولا الرحم مفتوح الا واحد سم بدأوا يحطوا المغذي وتحاميل فتح الرحم بعد مافتح الرحم 2 سم ونص اخدت ابرة الظهر والله يابنات انها نعمه من الله كانت الحمدلله الولادة اكتر من رائعه شفت كل شي وشفت البيبي وانا مصحصحه ومبسوطه واخدتو في حضني واتفرجت عليه وهم يكشفوا علية والدكتورة كانت تشتغل في الخياطه وانا مو حاسه شي الدكتورة هبه اكتر من رائعه دي تاني مرة تولدني بصراحه جدا رحيمه وتمزح ولاتشوفي الكشرة الا اذا اتدلعتي تشد شويه عشين تقدري تكملي بس والله نصيحه لكل حامل انها تاخد ابرة الظهر لا احد يخرف على راسكم ويقولكم الاجر ماتاخديه الاجر بيد الله وربنا ماحدد اذا اخدتي مسكن مافي اجر الحمدلله الطب اتطور المهم ياحبيباتي حبيت انقل تجربتي لكم عشين تستفيدوا وماتشيلوا هم الولاده والله يابنات الم الخياطه كان اكتر من الم الولاده طبعا ماراح يصدق الا اللي جربت ابرة الظهر الله يسهل ولادتكم يارب وتشوفوا اولادكم بين يدينكم ويقر اعينكم بيهم ادعولي ربي يرزقني بر اولادي في امان الرحمن
وعلى فكرة اي سؤال انا حاضرة ان شاء الله اردعليكم ..
شاركي في النقاش
سجلي الدخول لإضافة تعليق.
التعليقات
41- الحمد لله على سلامتك
- الحمدلله علبى سلامتك
الله يجزاك خييييييييييييييييييييييييييييييييييييييييير يارب - الله يسلمكم ويجزاكم كل خير يارب
..}
ماشاء الله تبارك الرحمن
حمدلله على سلامتك والف مببروووك
وانا حامل بالشهر الثامن ونفسي اخذ هالابره بس مادري احصل في نفس المدينه
الا انا فيها والا لا ...بس احتمال مافيها بس ريحتيني بكلامك
الله يوفقك دنيا واخر
بس استفسار باي مدينه انتي ..وشو اسم المستشفى اللي ولدتي فيه..؟- الله يسلمك يارب من كل شر الله يكتبلك ولادة زي ولادتي وكل حامل يارب انا في جده مستشفى الاطباء المتحدون ...
مواضيع مشابهة
تابعي تجارب أخرى من هذا القسم.