بنات وش خليتن الله يهديكن .. انا كنت اتحسر ان ماعندي اجتماعات .. بس بعد كلامكم اشوف نفسي مرتاحه ومفتكه من الشر
يعني اذا بغيت انعزم لازم احجز عيالي بالبيت اولا .. ثم اسوي دوره تعلم مهارات الاتصال مع الاخرين يعني اتكلم بس ماجيب سيره احد ولا اتكلم عن نفسي او زوجي او عيالي .. ولازم اكون مستمعه ومتحدثه بنفس الوقت واحاسب لتعابير وجهي لا اهج فمي كثير بمعنى اكون فاغره الخشه ولا اكشر ولا ضحك ..
لا اتحرك من مكاني مهما كان ولا اطلب وواحرص اني ادخل حمامي في بيتي قبل ..ولازم اخذ ضيافتي معي واشترط على صاحبه المنزل ان تقدمها وتؤكل كلها والا ياويلهم وبزعل ولا اجيهم ..
وطبعا اذا ابستعزم احد لابد من المناقز وياحبذا تهليل وتكبير علشان تحس الضيفه باني احبها وفرحانه فيها ماكاني تكفي عزيمتي لها في بيتي والا ..
ولازم انوع بالاكل واتعب واحط اصنلف تكفي شعب بحاله واصفهن بحظن الضيفه واحط محقان في فمها علشان اضمن انها شربت وتقهوت طال عمرها وياويلي اجيب من برى الا المناديل مسموحه لانها تصنع ولا تطبخ والا كان علوم ..
وعيالي اصك عليه بالسطح منعا للازعاج او الصراخ ومراعاه لاذن الضيفه المرهفه .. ماتعودت .. ماكان لسانها يلوط اذانها من الحماس بالسواليف وانتم شايفين اجتماعات الحريم بالاستراحات لو اجيبهن لحلف النيتو كان انحل بساعه ..
ووووواووووه نسيت اهم نقطه حكمه الحريم هالايام .. يفضل انعزم ولا اعزم ...
لا تزعلون مجرد مناغشه ودعابه بسيطه ..
....لما تروحي عند الناس ايش الشئ اللي يضااايقك....
متابعة النقاش، صفحة 16