انا بكريه بس اعتقد مافيه وقت معين من خلال ما قرات ناس باول التاسع وناس بنصه وناس باخره وناس تزيد عليه متى ما الله اراد يجي لا احد يتعب نفسه بشرب المشروبات اعتقد الحاله النفسيه لها دور اللي تنتظر كل يوم تقول بولد ماتولد واللي ماتهتم تلقينها ماشاء الله ولدت بدون تأخير ...
يعني مثلا اختي ببكريتها ماشالت هم النفاس وكانت حاطه في نفسها ان البكريه عادة تتاخر وتاخد التاسع كله
وجاتها الام وراحت المستشفى كمراجعه بس الا وماشاء الله يقولوها يلا خلاص ولاده يعني بس اخدت اسبوعين في التاسع
وبنت خالتي من يوم دخلت التاسع وهي كل يوم تنتظر وتقول متى واتاخرت واخدت التاسع كله ولمن راحت ولاده خلاص من الخوف اتقفل الرحم واضطرت تولد عمليه يعني المسكينه ذاقت الامرين
لاتشيلي هم ياقلبي وخليكي مثلي انا حاااطه في اعتباري وببالي ان البكريه غالبا تاخد التاسع كلو والولاده سبحان الله سهله ربي يرحمها لانها ماتعرف شي