شاركي في النقاش

سجلي الدخول لإضافة تعليق.

التعليقات

2,584

  1. @mshmshh_alghalyh

    السلام عليكم ورحمة الله وبركاته
    شلونكم يابنات .. اخباركم

    شمس الاعظميه
    عيني الحمدلله على سلامتج حبيبتي وان شاء الله تخفين بأذنه والله كلش انقهرت وحسيت بيج لان الضهر اهم شي وديري بالج عيني مره ثانيه من الدرج اخذي فيتامين B . complex بي المركب كلش زين واسألي الطبيبه عليه وشوفي شتقول :)

    اغلى وطن
    حبيبتي الله عالظالم وان شاء الله يشوفون يوم يتندمون الى جهنم وبئس المصير وتسلمين اختي على الموقع تم التصويت .....

    ام عبد القادر
    حبيبتي اللله يساعدج والله تعب بس شنسوي ما يكبرون الى وهمه ما خذين حيلنه كله بس شنقول الله كريم .

    ام شهد العراقيه
    حبيبتي والله انا اقرا بالقصيده وكن فطستو من الضحك ... وتسلمين انا كن سحبتوها كوبي وحغشعا لزوجي لأنو مصلاوي :)
    حبيبتي والله خفتو من هذي الاخبار انا اهلي هنوك بالموصل اشنو هاكذ الاخبار ما مليحه وانا اهلي يطمنوني والله ماكوش هاكذ حكي يخافون عليا لا اضل بقلق هسعته كن خفتو بالاكثر والله يعينكم ان شاء الله ويفرج كربتكم يارب وينهي غربتنا اميييييين

    ام جوانه
    حبيبتي الله يعينكم ياعيني شنو هالاحداث احنا هنا وكلش مقهورين من هذوله الخنازير لعد انتو شلون متحملين بس عيني الله فوق كل ظالم يسلط عليهم غضبه وان شاء الله ما تضيق الى تفرج والله يعينكم يا اختي الله معاكم وينصركم وينصرنا على ذوله القرود يارب . :(

    ليالي بغداد
    شلونج عيني .. زين خوش بدايه تبشر بخير اذا استمريتي فعلا النتائج تكون حلوه بالريجيم ... والى الامام ...استمري. go on :39:

    ام زيد ... حبيبتي شلونج عيني .. وشلونهم الاولاد ان شاء الله بخير .
    كندا .. حبيبتي اخبارج طمنينا استقريتو .. عيني ورايا تحويله بس الله يعلم شراح يصير بيه راح انتقل لغير بيت بس بنفس المدينه على الشهر الجاي ...والله المعين
    بان ... عيني اخبار الحمل وياج الله يساعدك والله من اتذكر الحمل شكد اضوج بس هسه ما بقالج شي ان شاء الله وكوني قويه ..
    ابيسه ...عيني وينج .. الله يعينج ياقلبي حامل وعندج طفله وفوكاها البيت الله كريم
    ام عبود .. حبيبتي اشو لا خبر ولا حس ... مشتاقين :27:
    البغداديه ... همين ماكو ان شاء الله المانع خير حبيبتي .
    الجبوريه .. عيني شلونج حبيبتي .. وشلون الاولاد الله يحفضهم .

    باقي البنات اشو ماكو حبيباتي ان شاء الله بخير
    اتمنى ما نسيت احد عيني لان هذي عيني بنتي فضحتني بالبجي وزرفته لراسي وخلتني اصير اعصاب هسه والله نرفزتني كلش ....اسمحولي :(
    سلام

  2. @layalibaghdad

    أم شهدالعراقية
    السلام عليكم اشونكم خواتي ان شاءالله كلكم بخير جبيباتي ام زيد عيوني شكرا على هاي كلماتج اللي تبرد القلب وتسلميلي من كل شر اغلى وطن لا لا لا لا ابد عمتي موهيج بالعكس بس تكفي وقفتها وياي لما كانت بنتي الله يرحمها وبوضعها وحالتها اشكد جان…

    الرساله الاصليه كتبت بواسطة ام شهد الورده



    بالنسبة للجات والله اني جنت احجي وية عمي ببولاندا من زمان وسة بطلنا ومرات وية بنت خالتي بنيوزلندا بس شنو فرق بالساعات هواية والمشكلة الكهرباء واحب اتعرف عليكم بس على منو راح الحق احجي ههههههههههه


    أم شهد الورده..
    :D
    بنت خالتج وين بنيوزلنده؟
    شنو أسمهه؟:D:30:
    تره السؤال ترك اذا متريدين اتجاوبين..
    :D

  3. @aghl_otn

    صاحبة الموضوع
    :27: شمس الاعظمية
    يامعودة ياتمارين شد بطن إحنه نريد نونو من عندج وإنت كاعدة تشدين .الحمل يختلف من وحدة لوحدة يعني أكو حملهه نازك ماتتحمل حركة علمود يثبت الحمل واكو تكمز 24 ساعة ويثبت الحمل وعادي .

  4. @am_shhdalaaraky

    :39: صباح الخير يا أحلى البنات جميعا اخاف احسبكم لاتقل بركتكم ههههههههههههههه:30: لا لا لا لاانسى واحدة منكم وتزعل مني:D ههههههه
    عيوني ليالي بغداد

    ترى بنت خالي على ما اذكر تسكن بمدينة تكول يسمونها كاردن سيتي من الخضار اللي بيها وهي المدينة الوحيدة اللي مايدفعون بيها اجور الماي ومرة كالت يوزعون لهم اكياس الزبالبة (عفوا) وهي دتحجي لي على امورها اليومية ومكتوب على الكيس اسم البلدية يمكن كرايس جوج او جرج او كريس شيء من هذا القبيل وراح اتأكد من رسايلها اذا مامسحتها
    مشمشة عيوني مليح عجبتكي القصيدة وانا خليتوها حتى بنات الموصل اللي بالغربة لاينسون المصلاوي هههههههههه
    وكوي الموصل ماتعغفين اي منطقة هاديي ام لا كانت منطقتنا شعغاي احسن من غيغا لكن قبل شوي سمعنا صوت رصاص قوي منو اشكو مانعرف والبيحة انفجار قوي اشنو ليش على من انفجر مانعرف بس الله يسترنا والحمدلله امورنا نمشيها بقدرة رب العالمين ونحاول نخليها طبيعية ولوما ايماننا وصبرنا القوي ماكو اي شعب كوي يتحمل اللي نغشعو هاي كم سني وبس هاي ال3 سنوات جللت وغطت وصرنا نتوسل على سنين قبل والف الحمدلله على كل حال
    بقى غاح اطلع اغوح الحق الكهرباء هسة جت قبل شوية وقلت اصبح على خواي كلهم اللي عرفتوهم واللي لا واغوح اعمل كم حاجة وشغل استغل ساعتين الكهرباء
    مع السلامة

  5. @layalibaghdad

    Layali*Baghdad
    الرساله الاصليه كتبت بواسطة ام شهد الورده بالنسبة للجات والله اني جنت احجي وية عمي ببولاندا من زمان وسة بطلنا ومرات وية بنت خالتي بنيوزلندا بس شنو فرق بالساعات هواية والمشكلة الكهرباء واحب اتعرف عليكم بس على منو راح الحق احجي ههههههههه…
    أها ام شهد الورده..:27:بنت خالج عايشه بالجزيره الجنوبيه..
    لانه نيوزلنده عباره عن جزيرتين..شماليه وجنوبيه..
    اني عايشه بالشماليه..وتحديدا بالعاصمه(ويلينكتون)
    معناتها هي عايشه ب كرايست جيرج..
    يمها الثلج والبرد..الله يعينها
    بس ولو البرد ما هالكد..
    والناس تطلع تتزحلك عالجليد..
    بس تره الماي هنا ببلاش..:D
    واحنه ما ندفع فلوس ماي..
    بس ايجار البيت وغاز وكهرباء..
    وتليفون طبعا..

تابعي تجارب أخرى من هذا القسم.