زوجي يهددني بالزواج علي والا ..؟؟؟







احبكم في الله







مدري كيف ابداء احس اني منحرجه منكم >>>>>>>>>>اخلصي :p




بنات انا مالي غيركم افضفض لكم بالذات في هذا الموضوع لاني مقدر اقول لهلي عليه

وانتم اشوفكم زي اهلي ونصايحكم دايم استفيد منها فديتكم والله >>>>>>>>>> الزبده



انا زوجي يبي اطفال وانا الحمد لله عندي بنتين وهو يبي اكثر المهم اتفقت انا وياها اني بعد ماتصير بنتي خمس سنين احمل عشان اسكته بس :eek:


ومشت السنين بسرعه وهو كل يوم يقول خلاص لازم تحملين وانا بيني وبينكم ماعاد ابي اطفال واقول ثنتين يكفون الله يخليهم لي ويحفضهم ويرزق كل وحده تبي عيال بالذريه الصالحه


والسبب ان انا عندي مرض اسمه القلق وهو مرض نفسي يعني دايم اعيش بدوامه ان اليوم راح يصير شي لبناتي وراح يموتون بعيد الشر عنهم حاولت اني اغير من فكري هذا لكن كل ماله يزيد اكثر لدرجه اني اكثر وقتي بس افكر فيهم وابكي مقدر خلاص اتحمل اني اجيب اطفال اكثر احس اني بنجن من كثر التفكير بالموضوع هذا اخاف يتعبون معي من كثر الضغوطات الي اسويها عليهم كل شي ممنوع بسبب خوفي :06:


حتى في البيت اخاف عليهم يطيحون والا يتعورون وربي عايشه في قلق الله لا يوريكم


يعني انا الحين ماعاد اقدر اجيب اطفال زياده لاني اخاف اتعب اكثر اتمنى يكون كلامي واضح


الحين زوجي يقول ياتحملين يا ازوج عليك قلت ازوج وانا من جوه قلبي اتقطع

بس الحين اخاف يزوج علي وبعدين ويتغير علينا ويقول انتي الي قلتي تزوج تعرفون الرجال مالهم امان


بس قلت انا الي ازوجك وانا الحين فيني قهر وبكى والم وتعب وماني عارفه الي اسويه صح والا غلط



رغم اني عارفه انه راح يتزوج كذا والا كذا لانه دايم يقول انه يبي يزوج بس الفلوس ماش


بتستغربون وبتقلون غريبه ماتغارين عليه بقلكم من خياناته صار عادي عندي الله يهديه بس

قلت يزوج احسن من يروح ورى بنات الحرام


بنات ادعوله بالهدايه حتى الصلاه مقصر فيها


الحين قلولي اشلون اتصرف ..



والي تبي هوشها تجيني خاص احط حرتي فيها :angry2:واي وحده تتشمت فيني وربي ماحللها



ونسيت اقلكم انا دايم اقرى عن مرض القلق ان الوحده يكون علاجها مو عن طريق الحبوب يعني بس تخرج الي في قلبها وهنا تعرفون مافي داكاتره كويسين كلهم يعطون حبوب منومه وبس



عشان كذا انا رافضه اروح لدكتور :16:







94 تعليق 16,022 مشاهدة

شاركي في النقاش

سجلي الدخول لإضافة تعليق.

التعليقات

90
  1. @alfrashh_2009

    اسأل الله العظيم ان يفرج همك

    ويسخر زوجك

    ويهدي ازواجنا

    نصيحتي لك قوي علاقتك بالله تعالى واكثري من قراءة القرآن فهو يعالج القلق والاكتئاب

    وصدقيني الي فيك طبيعي كل ام تخاف على عيالها بس الشيطان يوسوس لك بزيادة

    ولا ترخين لزوجك الحبل بزواجه والله بكره تندمين

    وان شاء الله تجين تبشرينا بحملك اللي يقر عينك وعين زوجك
  2. @am_sba_17

    حَسْبِيَ اللّهُ لا إِلَهَ إِلاَّ هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ
  3. @wshoshow

    الله يعينك يالغلا ويشفيك ياقمر

    والله صادقه الرجال اذا حط في باله يبي يتزوج بيتزوج لو جبتي له درزن اطفال

    فانتي حاولي تسالي عن دكتور نفسي شاطر ومع الرقيه ان شاء الله ما تشوفيالا الخير

    ولا تدوري له انت زوجه خلي اهله ولا تحتكي فيها خليها بعيده عنك لا تحتكي فيها

    والله ييسر لك
  4. @toooma_2

    الله يعينك حاولي تتغلبي على مرضك وادعي ربك واحملي وابطلي حجة زوجك وادعيله بالهداية الله يسخره لك

تابعي تجارب أخرى من هذا القسم.