ملف المقبلات على اطفال الانابيب والحوامل في دولة قطر (التجمع التاسع )

بنات نصائحكم

متحيرة الدكتورة تلمح على ان الحمل سقط بس تقول لي اذا تبين تنتظرين اسبوع بعد تاخذين الحبوب والتحاميل وبعدين تردين تسوين تحليل على راحتج

فقررت اواصل اسبوع بس زاد نزول الدم وتعبانة وايد الم فظيع بالبطن والظهر رحت الطوارئ بالمستشفى الحكومي قلت علشان استشارة ثانية سووا لي التراسوند وقالوا ان بطانة الرحم سميكة بس مو شايفين كيس للحمل واخذوا دم لهرمون الحمل وقالوا بيشوفون يعني بعد ما قالوا لي بالضبط سقط الجنين ولالا

احس تعبت ما ادري هل سقط الجنين ولالا وساعات اقول يمكن حمل خارج الرحم من جذي ما بين لهم

اهي الدكتورة الي اتعالج عندها اعتمدت بس على تحاليل الدم ونزول هرمون الحمل من 38 الى 11 بس ما عملت لي التراسوند

بكرة برد اروح المشفى حتى بالدوام ما اقدر اقعد زين اليوم الساعة 8 استأذنت وطلعت وشكلي بكرة باخذ اجازة لان تعبانة وايد

دعواتكم ونصائحكم

مبروك لكل وحده ربت الحمدلله على سلامتكم

قالو ما يبين كيس الحمل بالالتراسوند واني خفت من هالنقطة لان من علامات الحمل خارج الرحم ان ما يبين كيس الحمل ونزف من بسيط لمتوسط بكرة العصر بروح لتحليل الدم النتيجة وعقب للدكتورة علشان اذا سقط الحمل يتصرفون لان الم يتضاعف الله يستر