فـــــــــــن التقـــــــــديم لبنــــــــات الريــــــــاض * الملف السادس *

بنات الله يجزاكم الجنة ...

عندي إن شا الله عزيمة تقريبا ل25 حرمه ...

والعزيمة لعروس ...

فكرت أحط أربع صواني حلى مع القهوه ..

وحده شوكولاته مغلفة من باتشي ...وشوكلاته مكشوفه >> من سنابل السلام ...وصينية حلى منزلي من جهينة

وصينية مقسمة فيها معمول منوع من روز وحلى الجوزية وما شابه ..

يكفي كذا ؟والا أزيد تمريات ؟ أو يكفي التمر ؟؟ ...ووش تقترحون علي بتقديم التمر ...هل أقدمه بصيينية والا أحط صحون على طاولات الخدمه ؟؟

مع الشاهي إن شا الله ناويه أعبي صينيه كبيره من أوبرا فطاير وورق عنب وكبه وهلم جرا ...يكفي كذا ؟؟ ولو ما يكفي وش تقترحون علي أقدم معه ؟؟

بعدين إن شا الله بقدم العصير من 50 فاكهه ومعه ميني تارت وميني قاتوه من القباني أو سعد الدين ...

بعدها بإذن الله العشا بوفيه ...وش رايكم آخذه من سعد الدين اللي بالثلاثين ؟؟ واللي جربتهم كيف أسعارهم ؟؟ وتقديمهم ؟؟

وبعده كوفي ومعه مكرون ...

وش رايكم بترتيبي كويس والا يبي له زياده ؟؟

وش تقترحون إضافات الله يفرج لكم ...أبي شي يبيض الوجه ...مررره قلقانه وشايله هم :(

السلام عليكم

بنات ابي محل يعبي لي صينية فطاير بس ابي شي كشخه و مرتب وطعم وفي نفس الوقت محل ماابي حريم
السعر لايهم المهم شي يواجه من جميع النواحي

تكفون مستعجله بليز جاوبوني

وشكراااا

اوبرا-الدبلوماسي-جهينه

بنات انا عندي عزيمة بسيطة يعني بنات.. وبحط سانوتشات نظام بوفية..
أبغى وحدة تبيع سبرنج رول.. وبيبي شاورما.. وفطاير غريبة...وكبة. من ترشحون لي؟؟؟
طبعا تصير أشيائها شوي كبيرة.. يعني مو تقديم صياني.أبغاها بوفية.. أن شاء الله فهمتوا علي..
وأهم شئ عندها توصيييييييييييييييييييييييييييييييييييييييل

القهوه زين ممكن تزيدين صينية حلى من الحريم كنوع من التغيير
الشاي اذا فيع عشاء حطي معجنات + كانبيه + موالح او مكسرات مغلفه لاتقدمين كبه وورق عنب
بوفيه سعد الدين ماعليه مش بطال




الدبلوماسي او اوبرا