خبر محزن جدا (إلقاء القبض على سعودي في أمريكا بتهمة التخطيط لعملية إرهابية)

خيتو للمعلومية بس
نظام امريكا مايحاكم المتهم الا ومعه محامي دفاع وهذا نوعين:
- اما المتهم يوكل محامي خاص يدفع له شي وشويات بالساعه وهذا المحامي لو يشوفك بعينه شايل مسدس وذابح واحد دافع عنك عشان الفلوس
- او الدولة امريكا توفر للمتهم محامي دفاع عام وواجبه يدافع عن المتهم حتى لو ثابته عليه الادانه
يعني لازم محامي والا مايصلح يحاكمونه الا اذا المتهم يقرر يدافع عن نفسه وهذي يأخذون أقواله عليها انه متنازل عن محامي الدوله

أتمني وضحت لك الصورة

انا اول رديت قبل لا اقراالخبر من كذا مصدر وبصراحه انا لما قالي زوجي تخيلته مسلح وداخل بيت بوش بيفجر
لكن طلع انه لقوا في شقته و في بروفايله انه بدا وقت الجهاد

انا أظن وخاصه بعد ما شفت صورة الولد انه مو من اصحاب الفكر المتطرف لا بالعكس شكله شاب كول >>وين رجلك عنك
المهم اتوقع انه كتب حان وقت الجهاد لان قصده ان مرحلة اللغه لعبه والجامعه تبي لها جهاد

وبعدين هم توقعوا كذا كونه طالب تخصصه هندسه كيميائيه + كاتب حان وقت الجهاد+سعودي = ارهابي

وماننسى قصة الولد اللي من فتره جات الاف بي آي لمعهد اللغه لانه قال بانفجر من القهر كونه اخذ علامه شينه

فعشان كذا لا أحد يقول كلام من هالقبيل لانهم خلاص بيروح فكرهم بعيد
ونصيحه لكل وحده لعد تسوون بحث عن اشياء زي كذا لانهم بيمسكونها حجه مثل ماصار للدوسري الله يثبت براءته

وبصراحه انا احس المفروض باب الابتعاث يوقف بصراحه مو عشان هالسالفه وبس لا فيه اشياء كثييييييييره لو بتكلم ما راح اخلص .
الله يعجل بفرج كل مسلم ومسلمه

حبيبتي ممكن كلامك يكون فيه درجة من الصحة لكن هم ماراح ينصبوا فخ لأحد من الباب للطاقة حميدان التركي كان غلطان بأشياء وهو يعترف بهذا الشي وعلى أساس أغلاطه البسيطة بدأو بتلفيق تهم إضافية ضده هو مظلوم بالتأكيد لكن هو من لفت الأنظار إليه بتصرفات يعتبرها الأمريكان غير مقبولة
بالنسبة للدوسري لا أستبعد أن يكون مظلوم لكن أكيد في سبب جعلهم يلقون عليه هذه التهم
للمعلومية هناك الآلاف من الطلاب السعوديين والمسلمين في أمريكا لماذا لم يلقوا القبض إلا على هؤلاء فكروا بالمنطق والعقل وبعيد عن العاطفة اللي يكون بالسليم بإذن الله ماراح يصيرله شي
يعني هم ماراح يقبضوا على شخص فقط لأنه سعودي ولا كان قبضوا على الألاف اللي بأمريكا لكن تصرفات الشخص المشبوهة بالإضافة لكونه سعودي ومسلم تزيد من قوة التهم الموجهة للشخص
وعلى فكرة قد يكون هناك الكثير من هذه القضايا ضد شخصيات وجنسيات مختلفة لكن ما نسمع عنه نحن ونتعاطف معه هو مايحدث للسعوديين وللمعلومية في جميع بلاد العالم هناك مظاليم لكن لانعلم إلا عن الحالات التي تثار إعلاميا
اللهم احفظنا في أنفسنا وديننا وارجعنا سالمين غانمين لأوطاننا

Alsalam

Yes

I agree with you