شاركي في النقاش

سجلي الدخول لإضافة تعليق.

التعليقات

2,011

  1. @aazyz_almnal

    Neevooo
    و الله يا وزة انا من يوم ما دخلت الملف بتاعنا من سنتين و زيادة و انا اللي بيمنعني عنه حاجة واحدة بس و هي اني اخباري تبقى مش و لابد فاختفي تماما لحد ما الامور تتعدل و ارجع تاني لاني مش بحب اكون مصدر قلق او ضيق لاي حد و لو في سبب تاني هيخلين…
    يابنتي تبعدي ليه احنا اخواتك بردو ولازم نشيل همك معاكي ..ليه تعاني لوحدك....احنا هنا أولاً عشان نساند بعض ونشور بعض مش نضحك و نهزر و بس ... صح ولا ايه ؟
    وألف سلامه عليكي واتوكلي على الله و اعملي العمليه طالما دي الطريقه الوحيده انك تخسي وانا اسمع عن تحزيم المعده كويس مالوش اعراض ولا حاجه
    ربنا معاكي بس خدي خطوات بجد واوعي تنامي في السكة ....
    وبعدين يانيفو انا ماوجهتش الكلام ليكي انتي شخصياً انا موجهاه لكل الناس وخصوصا الناس اللي اختفت خالص ولا حتى بتيجي تسلم ....

  2. @aazyz_almnal

    متفائلة جدا 1985
    بنات انا من انبارح قضيتها عياط واكتئاب مش ممكن عشان سمعت حلقه عن دكتور عادل فاروق انه بيقول ان معظم اللي بيحصلهم توقف نبض الجنين قبل التلات شهور بيكون خلل كرموزومي حتي لو كان الزوج والزوجه كروموزوماتهم كويسه وده ليس له علاج بس لا نقطع…
    توفي انا سمعت الكلام ده بردو بس حتى لو كده بيخلفوا بردو
    يعني ممكن تجحضي مره اتنين تلاته وفي الرابعه تصيب والجنين يكمل فهمتي
    والمفروض فيه تحليل بيتعمل عشان يوضح الموضوع دا تقريباً بيتعمل للجنين لما بينزل ... انتي ماعملتيش تحليل ولا مره للجنين ؟

    انا بس عايزه اعرف كمان انتي فعلاً بتشوفي النبض وبعدين الجنين نموه يقف ؟ ولا مش بتلحقي تشوفيه؟

  3. @aazyz_almnal

    بندقه الكحه لسه عندي اكتر من الاول انا مش بأعرف انام خالص ...انام ساعه و اصحى اكح ... ساعتين و اصحى اكح و هكذا و تعبت اوي اوي ومش عارفه اعمل ايه و مش قادره امنع نفسي من الكحه برده وجوزي كل شويه يتقلق بليل معايا صعبان عليه مش بينام وهو اصلا بيصحى من 6 الصبح يروح الشغل
    ومعلش ياتوفي انا بجد مش طايقه الطحينه دي مش حستحملها في بقي
    حجيب اعشاب من الصيدليه النهارده مهدئة للسعال وربنا ييسر

  4. @dodaaa_1

    عزيزة المنال
    بندقه الكحه لسه عندي اكتر من الاول انا مش بأعرف انام خالص ...انام ساعه و اصحى اكح ... ساعتين و اصحى اكح و هكذا و تعبت اوي اوي ومش عارفه اعمل ايه و مش قادره امنع نفسي من الكحه برده وجوزي كل شويه يتقلق بليل معايا صعبان عليه مش بينام وهو اصلا…
    السلام عليكم
    ازيكم يابنات
    بندقة
    فيكي الخير ياقمر انك بتسالي عن كل الناس
    ربنا يصلح لك كل امورك ويفرحك قريب
    هو جوزك عمل العملية ولا لسة؟؟؟
    توفي
    احنا عارفين ان التاخير من عند ربنا وكل اللي ينعمله اخذ بالاسباب
    فمينفعش نكتئب واحنا متواكلين علي الله ولحظة الضعف موجودة وحتفضل معانا لحد ما نموت بس المهم اننا منسمحلهاش تاخدنا ونستغفر كتير
    ان شاء الله تتطمني
    ومش كل الدكاترة كلامهم صح
    توتا
    ربنا يوفقك المرة دي باذن الله
    انا لقيت مركز خصوبة في دمنهور الدكتورة اللي تابعت التبويض في المستشفي بتاعتها حولتني له وحلفتلي انه ممتاز ولما روحت لقيت ناس كتير بتعمل حقن وانابيب وتلقيح صناعي ودكاترة محولينهم من القاهرة واسكندرية وربنا بيكرمهم الحمد لله
    ولما اتكلمت مع الدكتور استريحت وطبعا استخرت كذا مرة
    وان شاء الله بعد الدورة الجاية حعمله
    نيفو
    الف سلامة عليكي
    وللمرة المليون حقولك ان اهم وظيفة لتجمعنا هو تفرييييييييييييغ القلق اول باول
    مين حيحس بينا غيرنا
    وعاوزين ترجعيلنا ابتسامات زمان ده الواحد كان بيبقي مستني مشاركتك

  5. @mtfayl_gda_1985

    حاضر يا جماعه هحاول ابقي اقوي واستغفر ربنا اكتر

    وربنا قادر علي كل شيء

    عزيزة
    انا بيكون في نبض علي الاسبوع ال6 الدكتوره بتشوفه
    وبيقف في 7

    بس المره اللي فاتت لما كنت مسافره لما رجعت مصر عملت السونار علي طول علي الاسبوع ال7
    وكان فعلا الجنين اسبوع 7 بس بدون نبض

تابعي تجارب أخرى من هذا القسم.