بنات كيفكم؟؟
عجبني الموضوع وانا معاكم والله يعينكم ع شكاوي مع انو هذا حملي التاني عندي ولد عمره سنة واربعة شهور,,حملت ع المانع او بمعنى اصح المانع ماكان مضمون 100% ربي اراد.. المهم انا في امريكا دراستي الجامعية حتبدأ في سمبتمبر بعدها بشهر حأولد,, حاااااسة نفسي ببكي,,, الحضانات غالية لو بخلي ولدي كبير فل تايم..والرضيع اذا جا فين احطو!! بعض الحضانات ماتقبل المواليد الجدد!! غير الدراسة ادري بتقولون ماجستير ثلاثة ايام في الاسبوع مو ضغط ادري بس انا اتعب... احس عمري كنها وحدة عندها عشرة دحين لما اغسل لولدي واغيرله واشيله اتعب تعب لو وقفت ع طبخ او غسيل رضاضيع احس ظهري بينشق من الالم,,,الم الظهر مافارقني من قبل حملي الاول وكل يوم ااجل واقول بكرة اخد موعد من يوم ماجيت امريكا ولاشفت دواء ولاعلاج لظهري,,, لو دحين قلت لهم ممكن يعطوني علاج وانا حامل ولا كيف...حتى اول ماعرفت اني حامل نفسيتي تازمت لانو سبحان الله ماكان في البال وحاسة بشوشرة في مخي وكل يوم ابكي,, ماما تقلي قولي الحمد لله ...( ونعم بالله) احاول اتناسى الالم والعكة اللي بتجيني ,, ورحت السوق واتفرج في ملابس الاطفال وفكرت في الاسامي واذا ولد ولابنت وادعي انو يكون سليم معافى,,, ومازالت الضيقة تجيني من فترة لفترة,,, يااااارب ساعدني,,,
بنات ربي يسعدكم هونوها علي هل انا مصعبتها بزيادة؟؟؟ ولا هي حالة نفسية مع الحمل؟؟؟ ولادلع ولااايش
Ƹ̵̡Ӝ̵̨̄Ʒ ¸¸.•´°حوامل ونفاس في الغربة /٤/ °´•.¸¸ Ƹ̵̡Ӝ̵̨̄Ʒ
متابعة النقاش، صفحة 266