أنتِ من العراق.....أهلاً وسهلاً بك تفضلي

الله يعين الجميع ويرحم بحال العراقيين .يارب الحال ديصير من سئ الى أسوأ .

هلو بنات شلونكم والله مشتاقتلكم بس شاسوي عفيه بنات الله يخليكم الي تكدر تساعدني لتتاخر ابني عبودي عمره سنتين ونص وذابحني بالاكل مالته كلشي ميرضى ياكل بحيث نزل وزنه هالشهر كيلو هسه وزنه 14 كيلو غرام بحيث مضل مشهي مشربه ومظلت طريقه ومجربتها وياه حتى ياكل بحيث اليوم الصبح ساعه ونص اني كاعده وياه دا حتى ياكل بيضه وحده وياريت كملها
والله نفسيتي كلش تعبانه من وراه ومن ورى هاي النحوسيه مال اكل الله يخليكم بنات الي عده طريقه حل اي شي لتتاخرون والله احس نار ومشتعله بروحي من وراه
لان صدك مضلت عندي اعصاب :39:

السلام عليكم

شلونكم بنات شنو اخباركم ..
ان شالله الكل بخير ..

ام عبودي :27:

عيوني آني حاسه بيج لانه ابني نفس الشي وكلما اسأل الدكتور يكولي عادي الطفل بهيج عمر يحب بس يلعب ومياكل وبما انه حركته اكثر من اكله فيقل وزنه ويضعف ( طبعاً مو كل الجهال هيج ) ..

انتِ لتجبريه على الاكل , تره الجهال اذكياء , من يشوفون اهلهم يلحون عليهم يعاندون بالزايد , خليه براحته , بس بنفس الوقت الا تكون اكو فد اكله يحبهه او فاكهه معينه يرغبلهه , واكيد همينه يشرب حليب , قللي كمية الحليب اللي يشربهه حتى يجوع ويضطر ياكل , وابد لتعوديه على الحلويات ..

مثلاً اذا ما حب البيض المسلوك جربي المقلي , سويله معكرونه اكثر الجهال يحبوهه , والبيتزا والبطاطا المقليه ......

بس ابد لتضوجين تره هذا شي طبيعي وشويه شويه يصير يحب الاكل ..

شوفي عيني ام عبودي اهم شي يكون الطفل نشيط وصحته زينه , مو ضروري يكون سمين , مادام وزنه مناسب لعمره كلش كافي وماكو داعي للقلق والنرفزه , الله يخليلج عبودي وحمودي :) ..

ام عبودي
اذا تردين ابنك ياكل احسن وقت ويه اللعب لمن اتشوفي يلعب
وكلي اثناء اللعب اذا الطفل تربطينه حتى توكلينه ماراح ياكل نهائياً
فجربي هاي الطريقة وان شاء الله عنده العافية
ام روان
اذا بنتك ماتنام بالليل فاكو طريقة كلش جيدة عند ماتنومينه وتريدين اتنامين حطي جوى راسه اوجنب راسه ملابسك الداخلية الي كنتي لابستهم يعني مثل الاتك اوالستيان او تيشيرت اوالدراعة لان الطفل يفقد رائحة امه ويصحه من النوم وغالباً انشوف الاطفال عند ما امه اتنومه جنبه او في حضنه اتشوفي يرجع ينام على طول

أم عبودي
مثل ماكالت أم زيد بهذا العمر شئ طبيعي يكون لان الطفل بده مرحلة المشي والتسنين همين يأثر عليه ويقلل من قابليته للاكل.
حاولي تنطيه فيتامينات ويكون بيهه فيتامين B بقية الفيتامينات لان فيتامين ب هو اللي مسؤول عن الشهية.