اتوقعون لو راحت أمريكا ........... راح ياخذون ولدها منها !!!!

السلام عليكم و رحمة الله و بركاته

شلونكم أخواتي المتغربات.. أسأل الله لكم التوفيق و أن يهون عليكم غربتكم و ترجعون لأهلكم و دياركم بالسلامه ومايضيع تعبكم


أنا يا طويلات العمرررر هذي مشاركاتي الأولى ...

وراح اكتب لكم تساؤل بنت عمي (ماعندها نت) تقوم وتصحى تفكر فيه قلت اسالكم و اريحها فأرجوكم تحملوا الكلام كثير واتمنى منكم النصح.

من فتره زرت بنت عمي و هي زوجها مقدم عالبعثه لامريكا وبتروح معه ان شاء الله قريب

باركت لها بس حسيتها ماهيب مرتاحه للروحه ودها تقعد لولا ظروف بيت اهلها زحمه

شالسالفه !

هي عندها ولدين و بنت ... ثاني ولد عمره 3 سنوات و ياعمري عليه عنده ضمور بالمخ و تاخر بالنمو

وكانت تراجع به للعلاج الطبيعي وومهتمه به جدا و يهمها صحته كل مره تسمع علاج تحاول توديه ...المهم مرره يوم كان عمره سنتين ام زوجها سمعت عن مره كبيره بالسن تعالج ضمور المخ و امراض الاطفال

تقول ان ام زوجهااقنعتها تروح وهي بعد قعدت فتره تفكر مرره متردده خايفه عليه خاصة انها تعالج بالكوي .. وهنا خطأها إنها ماصلت استخاره!!! بس قدر الله وماشاء فعل , راحت وزوجها وولدها و راحت معهم ام زوجها وراحوا للمره ...هي ماقدرت تنزل تشوفه فجلست في السياره بس في بالها ان الكوي بيكون منطقه وحده وصغيره مثل اللي صاير عند المعالجات الشعبيات .المهم المره الله يهداها اكوته نقط كثير في ظهره و بطنه وطبعا شكلها كبير ...وواضح هنا بنت عمي بعد مارجعوا لها في السياره انصدمت وجلست تبكي حزن عليه وندمت بس بعد ايش

طبعا ماتحسن ولدها ...والكويات طابت استخدمت كريمات بس باقي اثرها

المشكله وين: تقول ودها تروح مع زوجها حتى ولدها يستفيد من الرعايه هناك و عالاقل يسوي علاج طبيعي تعرفون الاهتمام بالمعاقين هناك احسن

بس تخاف يشوفون الكوي اللي في ولدها و يحققون معها و ياخذونه منها ... هي الحين ندمااااااانه بس تقول توقعت بتسوي وحده او ثنتين صغار و تعرفون المريض يتعلق بقشه كانت تتخيله يطيب و يمشي و يتكلم من الدعايات اللي سمعتها عن الحرمه


طبعا انا قلت باكتب لبنات حواء المغتربات ان شاء الله عندهم خبر يطمنك

شرايكم في وضعها ؟ تروح ولا تجلس؟ انا بصراحه نصحتها تروح بنتها صغيره وولدها الكبير يدرس وصعبه تجلس في بيت زحمه وخوانها كلهم مشغولين بعيالهم بس بعد خوفها على ولدها

وقصص نسمعها انهم في امريكا لو شكوا في معاملة الاهل لابنائهم ممكن ياخذونهم!!! ترددت مثلها ولان مالنا معارف هناك ممكن نسالهم مالنا الا انتو

ننتظر الرد جزيتم خيرا

26 تعليق 2,793 مشاهدة

شاركي في النقاش

سجلي الدخول لإضافة تعليق.

التعليقات

25
  1. @dowain

    الله يشفي ولدها ..بصراحة فرصة تروح و يتعالج ولدها
    ما عندي خبرة عن اثار الكوي...بس عندي فكره لو هي الحين تروح لطبيب في السعودية و يكتب لها تقرير انه الاثار اللي فيه للكوي و هي نوع من انواع الطب الشعبي هنا...يكون مثل اثبات عندها. لانه اكيد الاثار قديمه. اكيد طبيب سعودي بكون عنده خلفيه عن انواع الطب الشعبي عندنا.
    و خل تاخذ معاها كل تقاريره و العلاجات اللي اخذها...بكون واضح انه اهله مهتمين فيه.

    الله يسهل امورها
  2. @mhtarh1

    الله يشفي ولدها ..هم بيسألو ويحققوا بس ان شالله ماراح ياخذوه
    ولا لهم حق ..اعرف ناس نفس الحاله وعادي ..صدق يسالونهم بس عاااادي الوضع..
    بالتوفيق
  3. @mrrrh_shyaa

    صاحبة الموضوع
    Dowain و محتاره1


    جزاكم الله خير .................. شكرا على سرعة الرد.............

    طمنتوووونا ..... طيب يعني عادي لو سألوها تقول انه طب شعبي !! لانه واضح انه متعمد موب وحده بس عشان نقول انحرق بالغلط

    تدعي لكم ان الله يفرج عليكم
  4. @mrrrh_shyaa

    صاحبة الموضوع
    عندكم اي كريم يفيد في حالته!!!!!!!

    فيه كريمات حلوه بس تسبب شعور بالحراره و الوخز و هو مسكين مايتكلم عشان يعبر عن الالم
  5. @dowain

    ايه عادي تقول طب شعبي...اتوقع يتفهمون..كذا قلت لو يكتب لها دكتور تقرير يقول طب شعبي يكون كاثبات. الكوي مو بس عندنا في شعوب اخرى تسويها بعد
    في مقالات طبيه عن الكي يقدرون يبحثون عنها...اسمها بالانجليزي
    Cautery
    و هذا موقع يتكلم عنها بالانجليزي
    http://drhajar.org/English/index.php?option=com_content&view=article&id=41:arab-gulf-traditional-medicine-cautery&catid=17:history-of-medicine&Itemid=2

تابعي تجارب أخرى من هذا القسم.