بعد ماشفت المقطع ..جاني شعور بالكابه والاحباط

السلام عليكم ورحمة الله وبركاته ...


انا بقولكم يابنات عن حاله جايتني من كم يوم ...

شفت مقطع لواحد مصري مدري هو داعيه والا عالم ...

المهم جالس يتكلم عن الكره الارضيه وكيف نهايتها

ونهايه العالم واهوال يوم القيامه وعلامات الساعه...

والله المقطع مؤثر مرره ...

لما شفته جلست ابكي وكرهت الدنيا ...

جاتني حاله احباط مابغى اسوي شي ...

اقول طيب كل شي منتهي ليش اشيل هم وافكر فتنظيف البيت وافكر فدراستي

واتعب نفسي فكل شي وفلحظه ممكن اموت وينتهي كل شي ..

واقول ليش شايله هم ابغى بيت ملك وفلوس وكلها راح تروح طيب وفرنا لاولادنا بيوت ومتنا

وراح يموتوا اولادنا كمان يعني شي منتهي خلاص ...

بجد يابنات شي محزن والله تعبت من كثر تفكيري ...

اقول فعلا ماراح يروح معايا لقبري الا الاعمال الصالحه ..

نفسي اجتهد واحفظ القران كامل ماراح يفيدني الا هو ...

والا كل شي ثاني رايح خلاص ..

تعبت والله من هالشي وكثير افكر فاولادي واهلي واخاف مانتلاقى فالجنه ...

والله بعد هالمقطع بس ادعي واقول يارب رحمتك ....

32 تعليق 2,678 مشاهدة

شاركي في النقاش

سجلي الدخول لإضافة تعليق.

التعليقات

31
  1. @kmr_91

    صاحبة الموضوع
    يارب ياكريم يرزقني واختي هند بالتوبه النصوحه وحفظ القران ...
    يارب يكريم...
  2. @am_khdygh_alsyaary

    اي والله الاحداث اللي صايره تخلينا نجزم انها نهايه العالم....

    بنات كمان ماتلاحظوا ان الجو صار احسن عكس دائما بالذات في جزيره العرب

    من علامات الساعه ان جزيره العرب تنقلب من ارض صحراويه الا ارض خضراء
  3. @dyma_15

    خلي قاعدتك في الحياة ( إعمل لدنياك كأنك تعيش أبدا .. وأعمل لأخرتك كأنك تموت غــداً )

    كلنا رح نموت بس ما ندري متى .. لكن لما تتركين كل شي حولك من تنظيف وبيت وتصيرين فاضية جسديا ونفسيا تشتغل الهواجيس وتتعبين مررررررررررررره صدقيني . النفس إذا ما اشغلتيها تشغلك

    المهم الوحده تكون نيتها زينة وتحافظ على الواجبات وترضي امها وابوها وتراعي الله في حقوق زوجها وما تسوي ذنوب مداها طويل زي الغيبة والنميمة وكل شي فيه أعراض وحقوق للناس والله يغفر لنا ويرحمنا برحمته وهكذا
  4. @sweet_design

    لا اله الا الله محمد رسول الله


    طرح موضوعك يعتبر بمثابة اجر لك ان شاء الله
  5. @anfynyty27

    حبيبتي تعوذي من الشيطان ليش الكابه والاحباط ماعندك علم قبل عن يوم القيامه
    حسني صلتك بربك صلاتك صيامك صلة الرحم الصدقة الاستغفار بر الوالدين
    لاتفكرين في الدنيا الفانيه ولا تسالين عن القيامه فمن مات قامت قيامته ليه تفكرين
    انك بتعيشين الي يوم القيامه ونسيتي الموت
    يارب احسن خاتمتنا وادخلنا الفردوس الاعلى من الجنة انا ووالدي وجميع المسلمين

تابعي تجارب أخرى من هذا القسم.