مساء/صباح الخيرات
كيفكم صبايا
ابدخل ع طوووووووول بالموضوع
بنتي عمرها 2 وشهرين
مره كانت تبكي وبفمها ماء ومن قوه البكي شرقه بالماء وطاحت وصار فمها ازرق واخذتها وغسلت وجهها والحمد لله صحت ووديتها للمستشفى وقال الدكتور عادي هذي شرقه هذا الكلام قبل 6 شهور تقريبا
وامس بععد نفس الحكايه تبغى لعبت اخوي الصغير وتبكي من قلب من القهر فهمتو علي بس ماكان في فمها شي
تبيها باي طريقه وتبكي وتبكي لين انقطع نفسها وصار فمها ازرق واغسل وجهها وتصحى
وبصراحه انا خايفه مدري وش اللي فيها بالضبط اخاف يكون صرع
:06:
تكفوون اللي تعرف ترد
شاركي في النقاش
سجلي الدخول لإضافة تعليق.
التعليقات
6- لا ان شاء الله لا صرع ولا شي كثيييييييييييييييييير من الاطفال كذا انا عيالي احيانا يسوون كذا وبنت خالتي بناتها كذا وولد اخوي كذا احيانا يكون من زعل او من قهر بنت خالتي ودت بنتها للدكتور وكان وقت تطعيمتها وقالها عادي هذا انا طعمتها ماصار لها شي بس هذا من زعلها عليكم لكن ارتاحي الله يكبرهم ونرتاح ويصلح ربي ماعطانا
- اختي,,,
بنت خالي نفس الحاله
اذا بكت تنصرع وتزرق
الان عمرها 6سنوات فيها الصرع من عمرهااا 3 سنوات...
قالها المستشفى العسكري في تبوك شحناات كهربائيه....
الله يشفيهم - مساء الخير اخت ملاك. اللي في بنتك مو صرع هذي تجي في بعض الأطفال . بنتي الله يحفضها كذا هي عمرها 2 ونص من يوم ماكان عمرها سنه وهي يصيرلها هالشي وكنت خايفه مثلك وبحثت عن الموضوع لقيت انه شي طبيعي في بعض الأطفال وهو يصير من قوه الصيحه مايقدرون ياخذون نفس بس بعد السنتين يبدأ يخف ممكن لما تكمل ثلاث سنوات يختفي بس في حلات نادره يستمر لخمس سنوات. أفضل شي تسوينه انك ما تقيدين حركتها وانك تغسلين وجهها وحاولي انك ما تسويلها الشي اللي صاحت عشانه لانها بتعرف انها اذا صاحت هالصيحه راح تأخذ اللي تبغاه و هو مامنه خوف إلا إذا كان بفمها شي مثل اكل او غيره لأنها ممكن تختنق إن شاء الله إني افدتك. والله يخليها لك إن شاء لله ويهديها.
- الله يحفظها ويخليها لك يارب
اختي اللي فيها مو صرع انا وحدة من بناتي نفس الحاله والسبب ضربه على الراس وبدأت معها الحاله من كان عمرها 5 شهور وعملت لها تحاليل كامله واشعه على الراس وكلها الحمدلله سليمه لكن نصحنا الدكتور نحاول بقدر الامكان ما اخليها تصيح والحمدلله كل ما تكبر تخف الحاله واللحين عمرها 3 سنوات ونادر مرة تصير لها - صاحبة الموضوع #59602610يعطيكم الف الف عافيه والله ريحتوني وطمنتوني الله يطمن قلوبكم وجزاكم الف خير
مواضيع مشابهة
تابعي تجارب أخرى من هذا القسم.