مرحبا حوائيات
أنا جبت لكم الحل النهائي لحب الشباب لاتقولوا مو اول مره نسمع هذا الكلام والله يابنات انا مجربتها بنفسي لي اسبوع والحمدلله احس بشرتي مافيهاحب شباب بس اثار خفيفه وباستمر عليها حتى تختفي الاثار لاني حسيتها اخف من اول والله انا عانيت من حب الشباب بشكل ماأحد يتخيله رحت عند اخصائية للبشره ودكاتره وعطاره وصيادله وخلطات كيميائيه ومافي فايده لدرجة احس اذا بشرتي صافيه ماارتاح احس ناقصني شي حتى اخوي اللي مايدري عن التجميل اي شى ليله دق علي بوقت متأخر عشان فيه مقابله على ال FMمع اخصائيه للبشره احس اني تحطمت لهذي الدرجه بشرتي معدومه سألت زوجي قالي لاعادي انا مااحب اللي بشرتهاصافيه يعني بيكحلها ورحت
عند اخت زوجي ووصيتها بحبوب الركوتان بس ابو الشباب حلفني بالله مااستخدمها وخفت منها
بس الحمدلله ربي عوضني وجلست انا وعمتي وبنتها وكل وحده تقولي على خلطه وانا اسجل بس اسوي نفسي مو مهتمه وكل ماخرجو عن الموضوع احاول اذكرهم فيه لين ماقالت لي بنت عمتي ليه ماتستخدمي القرفه والعسل المهم انا قلت بستخدمها بس ماتوقعت انها بتفيدني بعد الله
بس مو لحالها معها صابونت الكبريت هي قالت استخدمي عسل طبيعي انا اخذت اللي بالسوبر
الطريقه/قرفه اطحني كميه تكفي ليوم واخلطيها بعسل وشوي ليمون استخدميها 3 مرات باليوم وخليه ساعه واذا الوقت مايسمح نصف ساعه
وقبلها استخدمي صابونة الكبريت 3 مرات يوميا على الاقل وخليها شوي على بشرتك مفعولها عجيب على البشره حتى الدهون تخف
ولاتنسي اسبوعيا الزبادي والشوفان افركي بشرتك فيه بهدوء لين يجف واتركيه حتى لوعشر دقايق
و***** الله ماتندموا جربوها ترى روعه والله
واتمنى تدعون لي بالذريه الصالحه والله يرزق كل من دعت لي باللي تتمنها ويفتح لها ابواب الرزق
شاركي في النقاش
سجلي الدخول لإضافة تعليق.
التعليقات
3مواضيع مشابهة
تابعي تجارب أخرى من هذا القسم.
-
مرطب تفتيح الشفايف سويت ليبز الحل الأمثل للتخلص من الاسمرار
0 تعليق -
مرطب تفتيح الشفايف سويت ليبز الحل الأمثل للتخلص من الاسمرار
0 تعليق -
كيف أتخلص من الرؤوس السوداء؟ -الطرق الأمثل للتخلص من الرؤوس السوداء
0 تعليق -
الحل السحري للتخلص من الكلف نهائيا بوصفات طبيعية
0 تعليق -
وصفة رهيبة للتخلص من غمقان واسمرار الوجه
0 تعليق