في احد بعد زواجهم صارلها مثل ما صارلي

السلام عليكم

شخباركم حبيباتي
بصراحه انا عندي اكتئاب من بعد زواج اخوي وحبيت افضفض الي في قلبي لكم
اولا اللهم لا اعتراض والحمدالله على كل شي

بصراحه زواجنا جا عكس الي توقعنا سبحان الله
بدايتها فيني لمن رجعت البيت البس الفستان بعد ماعملتلي شعاع المكياج روعه والتسريحه تجنن مخليتني كاني اميره اول مافصخت عباتي الورده الي بتسريحتي تقطعت ورقه ورقه وانا بس كنت قاطه الشيله قط على وجهي علشان ما يخرب شكلي وجيت البس الفستان الا السحاب انفرط وتعالوا شوفو البكا اخترب مكياجي والساعه صارت8 وانا بالبيت انتظر الخياط يغيرلي السحاب المهم عدلت عمري وشكلي وجا الفستان جت سليمه لمن دخلت القاعه تفاجئت بصراحه بذوق العروس في الكوشه يفشل حاطه 3 الاوان متضاربه في الالوان وكلها صارخه لقيت اخواتي متفشلين ماتوقعنا ذوقها كذا
عاد احنا تكلفنا بصراحه ماخلينا شي كل شي من ناحية التقديم روعه ومشرف ومبين عليه مكلف
لكن الي فشلنا بصراحه كثرة العيال ملت القاعه والقاعه فخمه بصراحه مو لايق عليها كل هالاطفال مع ان كتبنا ممنوع اصطحاب الاطفال ومع ذلك كل وحده جت مع عيالها امي استحت ترد احد بعياله بس بصراحه خربو زواجنا
والفشيله الثانيه المنظر والحديده حقت الكوشه طاحت والناس قامت تصرخ خافوا
والفشيله الثالثه بصراحه العروسه كانت مش حلوه وتضارب في فستانها وتسريحتها ومسكتها لا والزفه الي مفروض تدخل عليها اخترب شريطها صاحبت الديجيه تقولو اخترب ودخلت على اشياء متلخبطه وموحلوه
بصراحه انا اكتئبت ماتتخيلو اشلون الموقف كان عند الحضور
كرهت فستاني كرهت كل شي اتذكره في هذاك اليوم
على ماصرفنا وتجهزنا وجبنا طقاقات ودي جيه وزينا الطاولات ب7الاف كان منظرها فخم بس اي شي كان يتعلق بالعروس فشلنا بصراحه
احد منكم صارلها مثل الي صارلنا وكيف واجهتو الناس بعد كذا يعني انا اذا لقيت صديقاتي وجمعتنا وقاموا يعلقوا وش ارد عليهم وش اقلهم بصراحه مفتشله ولا العشا كان حلو ويمدحونه بس العروس وزفتها وكوشتها حاست الزواج

13 تعليق 2,026 مشاهدة

شاركي في النقاش

سجلي الدخول لإضافة تعليق.

التعليقات

13
  1. مع احترامي لك احس انك مكبره الموضوع وهو مايسوى
    الناس تبي تنقد مهما كان الزواج حلو .. عارفه الناس مايعجبهم العجب
    وبالنسبه لك أهم شي اخوك يتوفق بزواجه.. ويرزقهم الذريه الصالحه
    ولا هالامور الشكليه ماتقدم ولاتأخر
    ويمكن العروس هذا ذوقها وعاجبها .. انتي وش دخلك تتفشلين ؟؟
    الفشله عليها واذا عاجبها الله يوفقها
    وبس :)
  2. @alfgr_1

    صدقيني أنك مكبرة الموضوع بس شكلك من الناس اللي يحبوا المظاهر وصدقيني هالأشياء ما تنفع أهم شيء التوفيق من الله والا الأشياء هذا الناس بيتكلموا فيه شهر شهرين وبينسوا
    الزواج متى ما كان بسيط كان أجمل وأبرك وحده من معارفي كلفتها الكوشة والطاولات في زواج بنتها 25 ألف تصدقي بنتها ما جلست مع الرجل غير يومين بس وش نفعها هذا اللي خسرته علشان الناس تقول زواجهم كان فيه وفيه نسيت الزواج باللي كان فيه وأنشغلت ببنتها
    أختي والله حرام المصاريف اللي تندفع في كوشة وطاولات وغيره ترى كثير من الناس ماهي لاقية تأكل وأنتم تصرفوا في أشياء كلها ساعات وتترمي ترى الله بيسألكم عن هالفلوس اللي تضيع في غير مكانها
    أتمنى أنك ما تزعلين من كلامي بس هذه الحقيقة وهذا وجهة نظري أمكن ما تعجب الغير بس أنا مقتنعه فيه ولو بتزوج ما راح أعمل لا كوشة ولا غيرها واللي بيتكلم يتكلم ما يهمني أهم شيء ربي يوفقني ويسعدني
    وملاحظة أنك آخذه في خاطرك على زوجة أخوك بس ترى الناس أذواق وهي ماتنلام هذا ذوقها أتمنى أن ما يكون الزواج سبب في مشكلة بينكم وبينها صفوا النفوس وأعتبروها أخت لكم لا تشيلوا لها العدواة من بدري على أشياء تافهة والله ما في أحلى من صفاء النفوس وراحة البال
    الله يوفقهم ويسعدهم ويوفق لك أنت إذا ما تزوجتي ويسخر لك زوجك إذا متزوجة
    آمين
  3. الله يسعدها هي وزوجها ويبارك لهم .... هذا الأهــم

    اما الناس وكلامهم لا يهمك ..

    ولا تحاولين تحطين اللوم على زوجة اخوك ... اذا ما عجبتكم من البداية ليه تخطبونها..
  4. @amly_baad_allh_bhm

    اختى اولا مبروك والله يوفقهم والموضوع مايستاهل انك تتضايقن عشانه ترا دايم بااصعب اللحظات تصير حاجات مو طبيعية ويمكن بعد انتم الله يهديكم مو مستعدين زين او انكم زينتوا كل شئ بوقن سريع واذا على الدى جى ترا دايم تصير الاعطال والبزران عاد وش تسوين يقولون الناس الله يجزاهم خير دخلوا عيالنا وعشوهم احسن من ان يقولون زواجهم مب زين ولا دخلوا عيالنا .........الخ وخليكى كووووووووول يالغلا مافيه شئ يستاهل والعروس يمكن هذا اللى تقدر عليه او هذا ذوقها ولاتنسين ان هذى ليلتها بكيفها ومشكورة حبيبتى

تابعي تجارب أخرى من هذا القسم.