الزوجة الأولى ..حياك الله .. منزل جديد مبارك

السلام عليكم ورحمه الله وبركاته


كيفكم حبيباتي؟

رؤيا ويبقى حبيبي الله يسعدكم في الدنيا والاخره هونتم علي كثييير

بس يابنات مب قادره وربي انسى الي سواه فيني معليش يبي يتزوج حقه

بس ليش سوى فيني كذا وقفت معاه كثير يابنات وماكان يعطيني حقوقي مثل باقي الحريم اهلي وين وين اروح لهم لازم الاجازات عند اهله قلت
يالله يبيك تروحين معاه ماكان يقدر يغيب عني وعن عياله ...
نوم من تزوجته ينام بغرفه بلحاله قلت يالله هذا طبعه...
وربي يابنات كان يفشلني اقوله البس كشخ تعطر يقول انا معروف
اجي ادهن رجوله فازلين يقول لا ماحب ؟
واالحين النادي والعطور والكريمات واالتنعيم طيب ليش لما كنت معاك ماتبي؟
بنات حتى علاجي وربي يتشمت فيني لاني اخذ علاج للسرطان يقوي المناعه مع اني حمد لله ماعندي سرطان واطق الابر بالبيت واذا كان يشوفني معصبه او متضايقه بعد استفزازه لي طبعا يقول العلاج اشتغل ويضحك عليه تعبت وماني قادره انسى الي سواه فيني مرضي يابنات يبيله راحه نفسيه لان صحتى تتدهور
من المشاكل عشان كذا قررت الابتعاد عنه لاني عارفه انه ماراح يتغير
ابي اعيش لعيالي وبس لو استمر معاه صدقوني بموت:(

ماا نكر حاول فيني عطاني 15 الف مثل مهرها وشرى لي غرفه نوم وشرى لاب توب جديد بس ماني قادره ارضى اقول ماشراها لي من قبل
يبي يغطي على زواجه مو لله يعني ..

يوم كنت عند اهلي ولدي تنوم بالمستشفى وكانت تدق عليه عصب عليها
وطلقها بلحظه غضب ... وحلف انه طلقها ورجعت ويوم جيت جتني
يابنات تبكي عند رجولي :( تقول تكفين انا مدرسه وهوو نقلني واذا طلقني ايش اسوي بجلس مطلقه بلحالي صعب النقل الحين ابيه على الورق بس لين القى نقل وبروح صدقتها وحزنت عليها قلت طيب
كم يوم الا والقى رسايل حب وغرام :icon33: رجعها النصابه عشان كذا اكرهها
كان مايرح عندها الا كم ساعه ويرجع الحين يجي من الدوام لين 10 بالليل ويروح ينام عندها ويطالبني بحقه الشرعي بالنهار كنت ارفض استحي عيالي كبار يفهمون طيب يوم انت ماتقدر يوم هنا ويوم هنا ليش تتزوج ؟
شفتوا انه ظالم طيب انت بالليل يمديك عندها ماعندها احد وتبسط معها
لكن انا ماشاء الله عيالي طولي وتبيني اسولف واضحك معك لا ماقدر
عشان كذا صارحته وقلت انا متنازله عن حقوقي الشرعيه مسامحتك وفعلا
تقبل وضعي لاني بجد نفسيتي تتعب منه وبكيفه هو الي رضي بها الوضع
ونسيت اقولكم هي عطته مجال هي الي تصرف على شقتهاو مصاريفها
يعني شاريته يابنات وبتجلس على قلبي بس يمهد لها اول كان خايف مااعلن الزواج ولا ضمها بكرت العائله كذب عليها قال اهلي مسافرين وهو معهم
وصلني خبر من اخواته انها تدق عليهم ومايردون وشتبي؟
ومحد يدري بزواجها غير اهلي واهله لاني انا كشفتهم ورحت لاهلي قال ايش عشانك انتي وعيالي ماعلنت الزواج نفسي اصدقه:09:
بس

بنات بصارحكم بشي بس لاتضحكون علي ماني قادره اتقبل زواجه لان على الي سواه فيني احبه بس اتذكر زواجه اكرهه تدرون ليش؟
بنات عشت معه اكثر ماعشت مع اهلي تزوجته وعمري 15 والحين 34 شفتوا اعتبره ابوي اخوي مب زوجي بس وصعب اتقبل هالوضع
ومستغربه ليش سوى

الم ورده حياك الله يازين طلتك
وارجالنا والله لو تجيبين الف حلقه عن التعدد وشروطه و00و000
مالهم غير الي بروسهم
علشان كذا يعنون ولا لو اخذو الحكمه من افواه العقلاء وفهموا مالهم وماعليهم وتعرفوا على قدراتهم لخف التعدد واصبح له اهله
لكن الان من يعدد هو اقل الناس دينا وعلما ومالا واخلاقا
كان الله في عونهم


يابنات وين عروس الملف سحوره غايبه لها كم يوم
لاتكون اتزوجت واحنا مادرينا
ولا لاتكون صاحبت ساذجه ونسيونا
الله يطمنا عليها

ابي راي انسانه حكيمه اعيش في دوامه وقلق وتعب ماحد يعلمه الا الله انا ابتلاني الله بمرض ومقصرة بحقوق زوجي غصب عني زوجي دايم يهدد بثانيه لكن الماده ما تساعده زوجي ملتزم بس بدت احوالة تتغير بدا يتفرج علي مواقع اباحيه ويبصبص في النساء كثير خاصه لما اروح معه السوق اشوفه من بعيد ولما اجي عنده يغض البصر احس بنظراته كله حزن ومزاجه بدا يتعكر ويعصب بسرعه صوت العقل يقول خليه يتزوج وصوت القلب يقول لا والف لا مرة عصب علي ع سبب تافة وقال لي لمتي صابر عليك قلته تزوج وارتاح وامس جاء وقال ابغي ابيع البيت واشتري ارض واسويها شقتين قلت لة ليه قال البيت كبير علينا حنا اربع انا وهو وطفلين قلت له بكيفك لكن لا تفكر انك تسكن احد معي قال عارف قصدك لكن ليه قلت هذا بيتي وما احد يشاركني فية سكت وحسيت انه من جد بيتزوج مدري حاسة بنار في قلبي موذنبي مريضه مو ذنبي مقدر احمل ومو ذنبي مقصرة معه هو ما قصر بعلاجي لكن ربي ما كتب لي الشفاء ادعو لي ان الله يزيل الغيرة من قلبي انا اخاف يصر انه يسكنها عندي انا غيورة وبموت من الهم واخاف اتهور واخرب بيتي لاني مالي احد بعد الله الا هو اسفه كلامي مو مرتب تعبانه كثير

الله يسخره لك ويكتب لك اللي فيه الخير والصلاح

هلا بالغاليه
ربي لا يحرمنا منك ومن أخوتك وتواجدك
شوفي يالغاليه
أخوي ما شاء الله ملتزم
ومره جت سيرة الزواج من الثانيه بسبب زواج واحد من جماعتنا على زوجته
جلس يضحك يقول تفكيركم يالحريم في التعدد غلط .!!!!
زواج الرجل على زوجته ليس له علاقه بمحبتها او دنو مكانتها ... لكن هو الرجل جبل على حب النساء
وأكبر دليل ان أحيان الرجل يموت على زوجته ويتزوج عليها لأنه يصبح بين خيارين اما الزواج من ثانيه للتغيير والمتعه او الحرام ... ورغم ذلك زواجه من الثانيه يزيد من حبه للأولى
ولكن هن القله من النساء اللآتي يستوعبن ذلك

ويحلف لو ما يخاف من الميل او الذنوب لتزوج من الثانيه بل وحتى الثالثه
وما شاء الله بما انه ملتزم
نظرته انه لو لا مخافة الله ومن ميل الشق يوم القيامه لما بقي رجل من غير تعدد