شاركي في النقاش

سجلي الدخول لإضافة تعليق.

التعليقات

26
  1. مهى
    مشكورات على المشاركة وجميع المشاركات طلعت منها بفايدة وفكرة جديدة . لني والله محتارة كتير كتير بين فيلا كبيرة للعمر وطبعا كل فيلا لازمها لوازم ومستلزمات وبين شقة صغيرة . ولكن زوجي ما بيوافق على شقة خصوصا في بلدنا او عالأقل في مفهومه الشق…
    ب50 الف درهم!!!!!!!!
    دليني عليها
    وين بالامارات؟
    طيب هو البيت كان لقطه؟
    او انه في مناطق ممكن نلاقي هيك اسعار؟
    على علمي البيوت بالامارات غاليه

    طيب البيت مرتب او اي كلام؟
  2. @mh_1

    صاحبة الموضوع
    البيت تركيب جاهز مش بيت يعني بناء من اسمنت !!!

    اتمنى تكوني فهمتيني بيت من الاسبستوس يمكن اسم المادة وبيتركب فوق قاعدة اسمنتية أو قواعد خشبية .

    وهم عندهم في الحديقة مكان راحوا جابوا البيت الجاهز وحطوه بالحديقة .
  3. @daaandooon

    احنا اشترينا بيت بالغربه لحتى ما تضيع فلوسنا هون و هون لانه بصراحه كان انا ولا زوجي متل ما بقولوا الطايح رايح عنا :D
    يعني منه استثمار و منه بيت بيضل احلى من الشقق
    لما نفكر نرجع ان شاء الله على خير راح نبيعه و نشتري او نبني بالاردن
    فكره تانيه لحتى توفروا بتقدروا تشتروا اراضي و لما تقرروا ترجعوا بيعوا قسم و ابنوا بيت العمر :)
    ان شاء الله اكون افدتك :)
  4. @mh_1

    صاحبة الموضوع
    هلا دندون :

    فكرتكم حلوة انكم شريتوا بيت بس احنا في دبي ما بنقدر نشتري بيوت لنو العقارات بالملايين يعني مش معقولة الأسعار.

    وفكرتك عن شراء الأراضي طبعا ممتازة وفعلا عنا أراضي في الأردن بس كل مالها وكل 4 شهور بتتضاعف الأسعار يعني اللي شريناه بالصيف انعرض علينا لحد الان ضعف المبلغ وزيادة شوي .

    بس لما يكون الواحد بعيد عن البلد صعب يبيع ويشتري ويروح يعاين الموقع .

    ومشكلة نزلات الصيف كمان مشكلة تانية لأنو نحنا بدنا مكان للصيف ويعرفوا الأولاد انو عنا بيت ويشتاقوا له ويحبوه كمان هاي نقطة انا نفسي مفتقدة الها لأنو ببيت أهلي عشت بكذا دولة بحياتي ودخلت كتيرة ومش عارفة ولائي لأي مدرسة بالزبط.

    بينما زوجي انولد ببيت وبغرفة معينة ولحد ما تزوجنا وهو كان ينام فيها وتحت شباكها شجرة المشمش اللي زرعها وهو صغير وكل ذكرياته على برندة غرفته والحيطان والسقف وكل شبر ببيته بيعرف عنه وهذا إحساس لا يعوض عن تجربة .

تابعي تجارب أخرى من هذا القسم.