نبات الترمس ام السعد, ذو الفعاليه الاكثر والاضمن,,!

جربت الترمس لاحظت انو الشعر اتأخر نموه بس جفف جلدي وانا اصلا بشرتي جافه وتركته

بصراحه ماادري عن الترمس قرأت عنه بس
بس زي ما يقولو اسأل مجرب ولا تسأل طبيب :D
انا جربت جذور نبتة السعد اخدت كمية يمكن 3 ملاعق مطحونه ( طحنها صعب يبغالها طحانه قويه )
مع كوب ونص تقريبا زيت زيتون
سخنت الزيت وحطيت فيه اللي طحنته وخليته لما برد وسرت كل ما اشيل حلاوه لرجولي احط
لانه شعري كثيف وكتير وجنب بعض ووقت الشيل يعورني

واقسملك بالله العظيم انه الحلاوه ماسرت اشيل همها زي زمان
اللي لاحضته مو انه الشعر سار خفيف وينشال بسرعه لأ لأ
سارت فراغات برجولي كتييره مايطلع فيها الشعر بس اللي يطلع يكون عادي زي اول بس يتأخر مرره عشان يطلع
يعني زمان كان اسبوع ونص ويبدا يطلع دحين اقعد 3 او 4 اسابيع وهوا صغااار
بعدين رجولي كلها فراغات مافيها شعر حتى لو اقعد شهرين يطول الشعر اللي طلع لكن ما يطلع غيره فهمتيني
يعني لما اشيل حلاوه ما اتعور زي اول لانه الشعر سار قليل مو زي اول كتير

انا احط الايام الاولى لما اشيل حلاوه يعني 3 ايام ورا بعض او 4 اوقات اكمل 7 ايام واوقات انسى
بس من جد انصح فيه لانه رهييييييييييب مررره فرق رجولي عن زمان
وعلى فكره آخر 3 مرات شلت فيها الحلاوه ماحطيت من الزيت بس ما رجعت رجولي زي زمان التغيير لسا موجود

والفتره اللي استخدمت فيها الزيت تقريبا 8 شهور او اكتر وانا كل ما اشيل حلاوه احط من الزيت
بس ترا انا مو كل شهر اشيل تقريبا كل شهرين

يعني اتوقع تلاحظين الفرق من رابع او خامس مره تحطين فيها الزيت

رفع

دوم الفرحه يااعزيزتي

ونشوف ردود باقي العضوات ونشوف شو الافضل