اهلين اخواتي بنات حواء انا احب قسم التجارب والحلول المنزليه ودايم متكيه عندكم ولاكن من زمان ماسويت موضوع كنت انتضر اغير مطبخي وانزله لكم المهم هذا مطبخي نقلت سكن حق عمل زوجي ولمن شفت المطبخ مادخل مزاجي وتعرفون المطبخ ياكثر اشغالنا فيه:angry: يعني لازم يكون شكله يفتح النفس الجدار ابيض والدولاب ابيض اذا دخلته كأني داخله غرفة ولاده وجلست افكر وش ممكن اسوي وقلبتها يمين وشمال وقلت بويه احس شغله وحوسه قلت مالي الا التجليد جبت تجليد بني لأن اللون يتحمل من جرير خاص بالجدار اللفه 10ريال مطبخي احتجت 3 لفات انا لي 7شهور من ركبته مره قوي ولا يتأثر بالحراره وينمسح زي الجدار اول شي بوريكم صور المطبخ قبل بعدين بعد التعديل ويارب اكون نزلت شي يستفيدون منه اخواتي بنات عالم حواء زي مأنا استفدت منكم كثير
هنا جهت الدواليب مره كان شكله ممل
هذي جهت الفرن والمغسله
غيرت الفرن والدولاب الي جنب الفرن كان في الحوش معدوم غسلته بعدين بخيت اطرافه كانت عدومه ببخاخ بني
هنا بعد ماركبت رف وغيرت ديكور الطاوله حطيت مناديل الي نحطها تحت المعجنات وغيره فكيت ثلاثه منها وحطيته على شكل معين وغطيت الطاوله بتغليف شفاف علشان ماتنعدم لأنها خشب واخاف تنخدش