الزوجة الأولى ..حياك الله .. منزل جديد مبارك

شوشو القميله
قمــرا

تسلمون والله على وقفتكم ولكل اخت دعت لي بظهر الغيب

صدقوني موضوعي اكبر مما تتصورون مستحيل ارجع عقب اللي سواه فيني
والله نفسيتي تعبانه جدا
بس احاول افضي نفسي واكتب لكم ولو جزء من مشكلتي
وانا قلت لكم موب مشكلتي انه اعرس لا هو سواء اشيـاء بحياتي يشيب منها الراس

اهلي قالوا خلاص ماترجعين له الا هو جاء بنفسه وبشروط لان اللي سواه ممكن يسويه مره ثانيه
وبيقول هذي ماعندها احد يوقف في وجهه
وانا بالنسبه لي النفس عايفته .. بس احاول اني اصبر عمري عشان هالبنات واشوف تاليتها معاه
وبصراحه ماهانت علي عشره 9سنوات من عمري تروح بلحظه


اللي بياخذها خذت منه عقله وخلاص هو من بعدها باعني برخيص

طبعا بأقولكم اني انا توني صغيره لايروح بالكم اني كبيره وغير كذا ماعندي الا بنتين وشكلي يعطيني اصغر من عمري بكثير
ومع ذالك طعني بظهري
كنت اقول لاهلي ولاصديقاتي لو سواه بعد عمر طويل ولا لو انا بنهايه الاربعين ممكن اتحمل
واقول يبي يجدد شبابه
وهذا وانا توني صغيره يسوي فيني كذا

وانا توقعت انه بياخذ وحده توها صغيره بكر بحكم انه هو توه موب كبير عمره 37
عرفت من امس انها مطلقه وعندها عيال مدري هم اثنين او اكثر
ومطلقه من 4سنوات وسبحان الله وقت ماجبت بنتي الثانيه وبنفس الشهر تخيلوا

وغير كذا انا اللي اعرفه ان المطلقات ماتكون مهورهم كبيره وكثير قالوا لي هالشي
لكن هي مهرها تخيلي مثل مهري 40 الف
حسبي الله ونعم الوكيل
مهري يوم ياخذني وانا توني صغيره وبكر نفس مهرها وهي كبيره وام عيال ومطلقه والله شي مايدخل العقل
وطبعا زوجي يعتبر ماديته متوسطه يعني مايقدر يفتح بيتين
وايضا شارطه عليه بيت مستقل ووظيفتها ماتتركها
وعيالها يجونها ببيتها متى مابغوا يعني ماتشوفهم ببيت اهلها يعني فارضتهم عليه متى ماجوا يجون عندها
وانا حسبي الله ونعم الواكيل فيه ذاب بناته مدرى عنهم

والله يابنات طبعا كل هذا دريت فيه امس بعد ماسمحت لي الفرصه واروح لبيتي اخذ اغراضي
لاني ابي اكون متأكده انه موب فيه

وهو توقع اني خلاص موب جايه البيت وتارك عقد الزواج
وغير كذا هي من جهه يعني من منطقه ثانيه عمرنا ماعرفنا احد يناسب منها
يعني حنا من نجد وهي من منطقه ثانيه
يعني الكل استغرب

عموما ابحاول بيوم اكتب لكم قصتي عشان توضح لكم
بس كتبت لكم اللي فوق عشان افضفض لكم
قلبي يتقطع واحس بقهر فضيع
واموت باليوم مائه مره بعد غدره وخيانته لي


اخواتي لاتنسوني من دعواتكم ان الله بيرد على قلبي ويكتب لي الخيره بأمري

حياكِ الله مها

جبر الله على قلبك ومنحك الصبر إنه ولي ذلك والقادر عليه

في البدايه سمعت شيخ يقول ما يجوز نطلب الطلاق لأنه يبي يتزوج

ثاني شي بناتك ايش ذنبهم ,,

فكري فيهم حطي لك شروط وهو بيمشي عليها

المهم بناتك لا تتركيهم

حرام يتربون بعيد عنك أنت امهم وأحرص عليهم

حبيبتي فكري بعقلك

الحياة مستمره

وما علينا إلا الرضا بما كتبه الله لنا

بناتك أماااانه وأنت مسؤله عنهم

رددي دائما

حسبنا الله سيؤتينا من فضله إنا إلى ربنا راغبون

جبر الله على قلوبنا

لاياقلبي
هي خذت زوجك وزجك أخذها عليها ماعليك منها هي وطريقة غسلها
أهم شي تقوم بزوجك وحقوقه كامله قصرت ماقرصت بكيفه هو وياها يتفاهمون
وسالفة أنك ماتبين يبقى له أثرفي بيتها
هي خذته بالكامل وقفت على ملابسه

سمو فكر
مشكوره يا قلبي

بس ارجوكم اقروا كلامي بتمعن
لاتزيدوني هم
اقولكم هو اللي باييييييييييييييييييع هو اللي يقول روحي الف واحد يتمناك
وانا ماطلبت الطلاق الى الان هذا شي وهو الى الان ما اقدم على هالخطوه اللين يشوف نفسه ومخليني الظاهر احتيــاط
ويمكن معجبه كذا اكون معلقه وشايله هم البنات وهو هذا اللي يبيه طبعا بنتي الاولى تدرس وخليته عنده
خليه يحس شوي ولو ان روحتها عني مقطعه قلبي لان الكل يقول خليه مثل ما اقدم على هالخطوه وبايع متوقع انك بتكونين طول عمرك تربين في بناته وهو هذا اللي يبي ويعطيك كل شهر وكاني شغاله عنده

وانا قلت من المشاركه الاولى انا رضيت بالهم واللهم مارضى فيني
وقلت انا موب مشكلتي انه بيتزوج مشكلتي باللي بيتزوج وبيبيع بيته وزوجته وبناته عشان الزواج الثاني

الله يرضى عليكم افهموني
وبعدين ماقلتي شي عن هاللي ساواها فيني ولها شروطها وكانها اول وحده بحياته لو بكر ممكن اتفهم هالشروط
لكن مثل ماقلت اول معقوله كل هالشروط وبردا وسلاما على قلبه
وانا مقتر علي بعيشتي وكنت اول كل ماقول شي ماعندي ماعندي
وغير كذا سمعت انه مخطط لشهر عسل باوروبـــــــــــــــــا
وانا دول الخليج ماطبيتها تخيلوا كيف الفرق
بالله احس بقهر السنين اللي ضيعتها وراحت من عمري معه قليل الخاتمه
انا مشاركاتي ماتسمح اكتب اكثر من 3 وخلوني بس اخذ نفس واكتب لكم المشكله كلها بس الين مايهدى قلبي
والله القهر اللي فيني والنار اللي بداخلي مايطفيها شي


ما اقول الا حسبي الله ونعم الوكيل فيه وكل من خرب بيتي
لاحول ولاقوه الا بالله