ياحبيبتي انتي معطيه للشيطان مدخل عليك
والله ياعمري خذي الموضوع بانسانيه اكثر
تخيلي انك في وضعهم وفي حالتهم
انا عندي لك حل مريح ومناسب
اول شي ياحبيبتي انتي اقلبي نومتكم فالصاله انتي والعيال
وخلي زوجك ينام بالغرفه قولي انا والعيال مانبي الغرفه
نبي ننام فالصاله قولي نبي نمشي على راحتنا ونسهر ونلعب
وننام وجيبي لك العاب جديده او صلصال او عجينة طين
واللعبوا سوا وانبسطوا وهو بينام بالغرفه وانتي
افرشي لهم بالصاله ولك معهم وناموا فيها لمدة اسبوع كذا
بعدين اذا كملتي اسبوع اقفلي باب المطبخ وباب الشقه او البيت وخذيه معك الغرفه وخلي باب الغرفه مفتوح
وهم خلي اللمبه عندهم مفتوحه وارجعي على سريرك مع زوجك
وقولي له انا مقفله كل شي وحاطه لهم العابهم ومويه علشان اذا عطشوا وقلت لهم اذا يبون شي
يجون الغرفه مفتوحه وانا بشيك على الصغير كل شوي
وبعدها اسفطي ابوها نومه عوديهم ينامون بالصاله لحالهم وانتي ارجعي للغرفه
واللبسي واتدلعي اول ماينامون وبعد ماتخلصون افتحي الباب عشان اذا يبون شي
والله احمدي ربك انهم اولاد مو بنات والله بكره يكبرون وينفعونك ويشيلون عجزك والله
يابعض الاولاد انهم اوفى من البنات 100 مره وخصوصا العمات والله لهم نصيب من
النفعه وبيجي يوم وتتذكرين كلامي بيودونك ويجيبونك انتي اللحين صار لك ظهرين تتسندين عليهم
يوم انك تحتاجينهم وربي مايضيع تعبك وحسيهم ايتام وربيهم والام اللي ربت والله
وربيهم على المحبه تجنين المحبه وانتي ماعندك عيال وزعلانه هذولي عيالك
انتي اولى فيهم من امهم وماعليك من اهل زوجك بالطقاق اهم شي انتي
علميهم على التعاون خليهم يساعدونك في وجبه سويها سوي لك عجينه
واعطي كل واحد كوره من العجين وجبن وخليه يشكلها على راحته واخبزيها
واعطيهم يتعشونها والله اهتمي فيهم بيجي يوم تحصدين اللي زرعتيه
هم فيك فيك مافي مفر ليه ماتحاولين تتقبلينهم بالطيب
وبالمحبه والله ماتحصدين غيرها لك اجر عظيم يوم القيامه مع عليك من الناس
اللي تنصحك غير كذا والحمد لله اعمارهم كبيره عارفه 5 سنين بتلاقينهم ماشاء الله
صاروا رجال ويعتمد عليهم والله لو تحبينهم بس بتشوفينهم بنظره غير اللي تشوفينهم فيها اللحين
واتمنى تحسين انهم قطعه منك لان الدنيا ماتنضمن والدنيا دواره يوم لك ويوم عليك تخيلي انهم
عيالك عند زوجة ابوهم كيف تحبين انها تعاملهم وانتي باين عليك طيبه وحساسه
وتحبين العيال ولا تخلين اجرك يضيع من التذمر والله يعطيك العافيه يارب
اريد النساء العاقلات يشورون علي في موضوعي
متابعة النقاش، صفحة 2