Ƹ̵̡Ӝ̵̨̄Ʒ ¸¸.•´°حوامل ونفاس في الغربة /٤/ °´•.¸¸ Ƹ̵̡Ӝ̵̨̄Ʒ

صباحكم سكر
كيفكم اي واللله الملف صار يروووووووووووووووووووووووح ورا <<<علمي نفسك خخخخخ
اللي سألت عن المستشفى مدري عن امريكا لكن استراليا ما يطلعون البيبي الا اذا وزنه 3 او حول ال3 اذا اقل مثلا 2 كيلو ونص يقعدونك على حسب اسبوع اسبوعين لمن يزيد وزن البيبي بس انك تطلبين ماقد سمعت
فراولة ماتشوفين شر ان شالله بس سمعت انو تخف الحركة شوي لان يضيق عليه المكان واللي اعرفه من بحثي في النت انو الحركة الطبيعية عشرة خلال 24 ساعة اذا عند الميدوايف خط ساخن او رقمها دقي واسألي يطمنونك

بنات امريكا اسمعكم تتكلمون عن الخيوط انا دكتورتي قالت مانسويلك شق عجان عشان كدا مافي خياطه
وعندي برنامج نفاس مره بسيط اخذتو من اهلي
لو تبغون اكتبو هنا بس مااعرف الاعشاب موجوده في امريكا ولا لا لاني جبتها معاي من السعوديه

لاتخافي طبيعي تخف الحركه لانه البيبي كبر ومساحة الرحم مضيقه عليه ماياخذ راحته زي اول
اذا حابة تطمني عدي كم حركه له باليوم اذا عشرة واكثر فممتاز
الله يهون عليك ليه عمليه :(

ايه مافيه شق اصلا مايعترفو فيه يحسو اكبر غلط
بس اثناء خرروج البيبي ممكن يجرح المنطقة فماتالي فيه خياطه لها خاصة لو كنتي بكرية
بخصوص برنامج النفاس اكتبيه الله يعافيك نستفيد لو من اشياء بسيطه منه

الاعشاب والادوية في النفاس



* السفوف ( كوب حلبة - نصف كوب حبة سوداء - فنجان شمر- ملعقة اكل قرنفل ) تطحن وتخلط مع بعض ويؤخذ على الريق كوب حليب ومحلى بالعسل 0 ]
* شاهي اعشاب ( ميرامية - كمون - حبة سودة- حزا- قيصوم - قشر قهوة (كثيري شوي - نانخة- قرفة - يانسون ) تخلط مع في علبة وتوضع ملعقتين في ترمس ويوضع عليها ماء مغلي وتترك خمس دقائق وتشرب باستمرار 0
* ملين ( ملعقة اكل عنزروت- ملعقة صغيرة مرة - شوي محلب - ) ينقع في كوب ماء ويشرب بعد الغداء مباشر ة 0
* بخور (قطران اسود - قشر بصل- مرة- حزا ) بعد 10 ايام من النفاس 0عند النوم
* للرطوبة اي الافرازات ( الخمس الايام الاخيرة من النفاس حزا يطبخ ويصفى ويوضع عليه ملعقة علك مرة - ملعقة محلب مطحون ويشرب منه كاس صباحا ومساء
* غسول ( قرض - ارطي تغلى بماء ثم تصفى ويغسل به باستمرار
* مهم ( تمر معجون - كوب رشاد - 4ملاعق سمن - ملعقة فلفل اسود مطحون تعجن وياكل منه باستمرار
-----------------------------------------------------------------------------
* لاتشربي الحلبة العشرين اوالعشرة الايام الاولى
* كثري الفلفل الاسود في اكلك
* كثري من شوربة الماش ( الماش شي يشبه العدس المصري )
* الايام الاولى اغلي الكمون واشربيه خصوصا بعد الولاده مباشرة وحطي قطعة مرة صغيرة بفنجان القهوة وصبي القهوة عليها واشربي يوميا
** المنوع في الاربعين ( الارز - الغازات - الكوسة - البامية - الحبحب - الموز- الايس كريم -الليمون )



هذا كل شي وتقوم ان شاء الله بالسلامة
وجمعت كم اكله من النت بحاول اسويها لنفسي لانو ماحولي احد في النفاس

اجل بدينا مسابقة :)

طيب ممكن اسال متى وصلتك الاغراض هل خلال الشهرين هذي؟؟ لان المنع صار من عقب شهر رمضان

والاغراض وصلتك من اي مدينة؟ لانه اتوقع فيه فروع عادي وفروع متشددة:(

انا صراحة مو ناقصني الا ..الارطا بس اما اغلبية الاغراض لقيتهن بالبقالة العربية وفي بعضهن كنت جايبتهن معي من اول ماجيت امريكا مثل الررشاد

وليش ماتنصحين بالبردقوش بوقت الرضاعه؟؟

والملح الخشن وش اسمه هنا؟ وين الاقيه؟؟ وهل ضروري استخدمه للمنطقة..؟
لاني احس الملح حاااااااااااااااااار



الحمدالله على سلامتك ام حموودي ويتربى بعزك..
بما انك والاددة جديد..هل كتبو لك ادووية المستشفى للمنطقة الحساسة مثلا غسوول او بخاخ او كريم؟




يعطيك العافية وماقصرتي والله يسهل لك ولادتك ويقومك بالسلامة






وشو الحزا؟؟

صراحة شي يحير ناس تقول استخدمو الحلبة بالبداية وناس تقول لا..

ونفس الكلام عن الرشاااااااد

وبعدين انا مدمنة رز وشلوووووووووون ماكل رز..وش اكل اجل :(طيب مايصير ناكل حتى لو رز ابيض؟

والموز وش مشكلته ؟ احسه يسد الجوع ومليانة كالسيوم احسه مفييييييييد
:


وبالنسبة لشاهي الاعشااااااب

انا مخططه احط لي بترمس ميرامية وكمون ويانسوون ونعناع وزنجبيل واصب عليها موووية حاااااارة لاني اعرف ان الاعشاب ماتنغلى

واشرب بس كوبين باليوم..

وش رايكم صح طريقتي بشاهي الاعشاب؟

وانا عندي رشاد مطحون طحن خفيف مخلوط بكمون مطحون ومرة مطحونة..انا هذي الخلطة كنت دايما احطها بفنجان القهوة واشرب القهووة اياااااااام الدورة وشكلي بستمر عليها بالنفاس بس مدري الى متى استخدمها اقصد كم يوم؟؟؟

وبالنسبة للحلبة انا ناوية اطحنها واضيفها لاكلي دايما خصوصا المرق احس احسن طريقة واسهل لاكلها

لانه نا عندي مشكلة ماتحمممممممممممممل واقرف من الاعشاب :09:


:

ايه صح نسينيا اهم حاجة اللي هي المشد حق البطن..وش راح نسنخدمون لبطنكم؟ وفيه احد شرا مشد من امريكا وماركته كويسة؟؟

ومن بعد كم يوم من الولادة نستخدمه؟

اهم شي الكرشة تروووووووووووح:icon33:


والله يسهل لنا وييسر لنا الولادة يارب