تعبتني كثرة التفكير ..ولدي للحين مايمشي

السلام عليكم ورحمة الله
الحمدلله على كل شي ... عندي ولد عمره سنه و9 شهور وللحن مامشى والي قاهرني انه حتى مايحاول تعبني وتعبني التفكير سارت افكاري كلها عنه حتى سرحاني كثر وكلامي وكل شي حتى ابوه يقول انتي كل سوالفك عنه وعن المشي كل يوم اقول ان شاء الله الشهر الجاي يمشي ويجي الشهر ويروح مامشى يتقطع قلبي عليه اذا شفنه يحبي او يمد يدينه للناس تشيله <<< لو دريت عني ياولدي كان مشيت
انا سويتله تحاليل عند كذا دكتور كلهم يقولون سليم سويت تحاليل اعصاب وفيتامينات وكلها تمام كان عنده فجعه شديده خواف بشكل والحمدلله عالجته لين راحت وصار تمام مايخاف وجرئ ارقيه وكل يوم ادهنه بزيت مقري فيه قبل لاينام وكل يوم اطلعه في الشمس بس للحين ما مشى ما ادري ليش تكفووون الي تعرف احد كان كذا ومشى او اشياء تنفع تقول واهم شي لاتنسونه من دعائكم
ولكم مني اجمل تحيه

21 تعليق 5,360 مشاهدة

شاركي في النقاش

سجلي الدخول لإضافة تعليق.

التعليقات

18
  1. @sralayam

    وديه اقرب مستوصف او المستوصف الي تطعمينه عنده واطلبي من الدكتوره تصرف لك فتامين د3وراح تشوفينه يجري قدامك وماراح تلحقينه ودهني رجوله بزيت السمك وعطيه شوي بالملعقه منه والله يحفظه لك ولاتفكرين كثير لان التفكير ماهو زين يسبب وسوسه ولاتخافين لان اي الخوف من الشي يطلع له وهذا مثل

تابعي تجارب أخرى من هذا القسم.