السلام عليكم ورحمة الله وبركاته اكتب لكم وكلي حزن وضيم بسبب زوجي هو مدرس دين ومع الناس جدا طيب وسمعته كويسه بس معي (للاسف) ما يحب يجلس في البيت مع اني الحمد لله ماقصرت عليه في البيت بشي عصبي معايه ويكره يوديني السوق على ان اخواته رايح جاي بهم الاسواق وانا يالله يوديني وبطلعه روح ولا ينزل معاي ينتظر بالسياره ويقول لك نص ساعه بس لو تتاخرين ياويلك وش تسوي نص ساعه تشوفوني اركض بالسوق عشان اخلص بعض الاغراض المهمه واذا تاخرت يجلس يهزئني بالجوال واذا ركبت السياره يجلس يخاصمني ويعصب على اولادي والله يابنات هذا اسلوبه من يوم تزوجت من 8 سنوات يارب صبرني غير انه ما يحب اروح اي جمعة عند اقاربي او اهلي او اهله اجلس اترجاه عشان اروح واتحايل عليه مثل الطفل ويوديني ويقول لك ساعه بس مع انه يروح يسهر لكن عشان يغيضني يرجع ويا خذني من السهره اللي بالنسبه لي ماتسمى سهره ساعه وشوي الا يدق ويقول انزلي انا عند الباب والله يابنات ماعد اتحمل مع انه دايم يروح ويجي ويسهر مع زملائه من المغرب الى 2 بالليل ويسافر وانا اجلس لحالي اكيد بتقولون انت ضعيفة شخصيه والله اني حاولت معه بالطيب وكمان بالزعل اقسم بالله مانفع والله الربوع والخميس دايم مشاكل ويبغى فرصه للزعل عشان يطلع ويتركنا في البيت يقول عقاب لك طبعا غير طولة لسانه علي دايم صرت اكرهه ولا احس باي مشاعر تجاهه وندمانه اني تزوجت وعمري 17 وحرمت نفسي حتى في عز شبابي من الوناسه والطلعات والله ما يمر يومين او ثلاثه الا ودموعي على خدي بسبب تصرفاته معي والله مرات ادعي ان الله ياخذ روحه وافتك (يارب سامحني) بس اذا شفت عيالي استغفر ربي واقول الله يخليه لهم اما انا لي ربي انا كتبت عشان افضفض
لكم حزني وحسرتي والشكوى اولا واخيرا لربي ادعولي ينصلح حالي لاني معد اتحمل اهاناته مره مستخف فيني مره لاحول ولا قوة الا بالله
شاركي في النقاش
سجلي الدخول لإضافة تعليق.
التعليقات
18مواضيع مشابهة
تابعي تجارب أخرى من هذا القسم.