السلام عليكم
بنات عفية طالبة مساعدتكم ولكم من الله الاجر والثواب وارجو من الجميع المساعدة
اغلبكم يعرف بقصة اخوي عبدالقادر الي طلع وما رجع من سنة ال2003
بس يمكن اني ما كايلتلكم انو اني شفتو فد يوم بالتلفزيون وهو دا يمسكوه
الامريكان على الحدود برنامج المدار يمكن تعرفوه لو لا ما اعرف بس هو برنامج
اخبار يطلع على قناة ابو ظبي وكلت للاهلي وراحو يسالون لاكن ما رجعو لابشي
لان ما بيدهم دليل
فاني اشسويت راسلت قناة ابو ظبي وراح اراسلهم مرة الخ لان ما ردولي جواب
اريد اطلب منهم تسجيل للحلقة الي شفت بيها اخوي بلكي ايحنون ويدزولياها
وكلت بلكي اطلب مساعدة خواتي بان يتظامنون ويايا ويراسلون القناة حتى يحسون
باهمية الامر ويبعثولي نسخة من البرنامج حتى ايكون دليل على الاقل بيد اهلي
ويكدرون ايحصلون ولو خبر
والي راح تساعدني الها الاجر والثواب
و البرنامج المطلوب هو برنامج المدار الي عرض يوم8-12-2003
والسلام
أنتِ من العراق.....أهلاً وسهلاً بك تفضلي
متابعة النقاش، صفحة 94