بنتي جابتلي المشاكل

السلام عليكم
انا راح ادخل في الموضوع على طول
انا عندي بنت مجننتني بعد شهر راح تكمل 3سنوات
جابتلي المشاكل مع زوجي :arb:والله توصل بيننا انه يضربني ويقول روحي بيت اهلك
انا مليت كل يوم مشاكل انتي وهاالبنت
اعطيكم نبذه عن بنتي
عنيده
عصبيه
كل شي تبغاه لها ولا بتصيح اعلى صوتها
تضرب اطفال
تحب تشتكي لرجال
ماتبغا احد يلعب في اغراضها
تخرب كل شي في البيت
لازقه فيني 24ساعه
اذا صرت قافله المطبخ علي اطلع القاها قالبه البيت فوق تحت
صياح 24 ساعه
ماتفهم يعني اقولها لاتسوين كذا غلط تروح تسويه
اذا جينا انتكلم انا وابوها تجلس بيننا وتتكلم بااعلى صوتها
طفشتني كرهت بيتي وزوجي واهلي
وحتى اهلي صرت اكره اروحلهم بسببها
عاملتها باالين باالطق باالحرمان مافاد
الي تعرف تتعامل مع هذي الحاله تعلمني وش اسوي
اوتدلني عاى طريقه اوكتاب
ومشكورات

7 تعليق 1,692 مشاهدة

شاركي في النقاش

سجلي الدخول لإضافة تعليق.

التعليقات

6
  1. الله يهديها يارب

    شوفي انا كنت اتمنى اجيب بنوته بس من كثر الشكاوي في تربية البنات

    رفعت يدي وقلت الحمدلله يارب انك رزقتني بأولاد

    ماعليه يااختي

    طولي بالك عليها ولاتعطيها فرصه تاخذ راحتها

    هدديها مثلا بالفلفل خوفيها منه او الشطه يمكن توقف عن الصراخ

    جيبي لها دفاتر والوان يمكن تلهي شوي بالرسم

    حطيلها افلام كرتون او قناة طيور الجنه يمكن تجلس عليه

    والله كل الاطفال متعبين يااختي

    بس شنسوي كل شي بأجره من رب العالمين

    التربيه مو سهل ابدا

    وبالتوفيق
  2. @rozalyndo

    امدحيها دايما لمن تسوي شي كويس
    ولمن تخرب قوليلها لابعدين ماما تزعل منك
    وانتي شكلك عصبيه وتصرخي عليها لا طنشيها لمن تخرجي من المطبخ وهيه مخربه البيت
    طنشيها لاتقولي ليش كذا اخرجي وادخلي مكان ثاني اذا انك معصبه وقفلي على نفسك واتعوذي من الشيطان واستغفري سبعين مرة اذا وفكري في اشياء حلوة تنسيك بعدين اخرجي لبنتك وضميها وقولي يالله نرتب مع بعض البيت خليها تساعدك مثلا تزبط المخدات حاولي تتكلمي معاها كانها صاحبتك مثلا في يوم خذيها على حضنك وحطيلها مناكير خليها تمشط شعرك
    سبحان الله المدح للطفل زي السحر بالنسبه له وانا مجربتها حاولي ماتتجاهليها لمن تكلمك ولمن تصرخ لاتطالعي فيها طنشيها وليفي على جهه ثانيه غير جهتها وسوي نفسك مشغوله باي شي اما الضرب حبيبتي للطفل او التخويف مايجوز تخلي عندها حاله نفسيه هيه يانو انتي عصبيه او ابوها يصرخ كثير فالبنت تسلك نفس الاسلوب فاذا شافتكم هاديين راح تهدا صدقيني عن تجربه
    **** الله اكون افدتك
  3. @bdrn_asm

    هي يووم تقعد بينك وبين ابوها تبي تلفت نظركم تبيكم تكلموها تدلعووها والعناد والخصام ماتجي من كيفها تقلدكم تقولين زوجك يعصب بسبب البنت ويضربك كيف تبين البنت تكون شخصيتها اكيد بتكون عصبيه وعنيده احتووها او على الاقل اذا ابوها مايهتم فيها كثير انتي اقعدي معها تسولفي معها دخليها معك في المطبخ خليها تشوفك اشوي شغل واشوي لعب لاتنطشيها ولا تسوون مشاكل قدامها شجعيها اذا سوت حاجه صح واذا سوت شئ خطا قوليلها البنت الشاطره ماتسوي هالش ولا تددقي في كل شئ تسوي خلوها تاخذ راحتها في بيتها هي لازقه فيكي يالغلا تبي اهتمام اشويه حضن اشويه لعب ودلع البنت كذا تحب تلفت النظر
    انا بنتي كذا معاي في كل مكان وربي اني ادلعها والعب معها واعطيها من وقتي الكثير حتى لو اشتغل وبنتي عمرها سنه واربع شهور واحسها تسمع كلامي واذا اخطأت تخااف مني مثلا تكب مويه ولا شئ على طوول اقولها عيب تجيب اقرب قماش وتمسحه ومااركزلها على كل شئ سلبي بالعكس اشجعها ترمي القمامه في الزباله وتنبسط
    والله البنات داايم يبون اهتمام زايد اول شئ ابني فيها الشئ الايجابي من مدح ولعب واتسولفي معها واعطيها وقتها بعدين ابدائي باسلوب حلو عيب ترفعي صوتك ولا مااكلمك ونتي ادرى بنتك
    بس نصيحه والله المشاكل بين الزوجين تتعب نفسيت الطفل وتخليه عصبي قد ماتقدرو لا تتخاصموا قدامها

تابعي تجارب أخرى من هذا القسم.