الزوجة الأولى ..حياك الله .. منزل جديد مبارك

مشكوره

غلاي

يا اختي الظاهر ان زوجها معودها على هالشي من قبل لا يتزوجك

يعني تتصل فيه كثير ويجيب طلباتها بكل وقت

من كذا هي ما تغيرت وصارت تتصل زي قبل وتطلب الي تبيه

ثم يا اختي هاتي لنا اي كلام مقتبس من اخواتي هنا الاوليات قلنا ان الثانيات انانيات

زي ما مدحنا الاوليات مدحنا برضوا الثانيات العاقلات الي يقدرون وضع الزوج والزوجه الاولى ويصبرون حالها حال الاولى

ثم يا اختي انا وحده من الاوليات اقول لك

زوجي يقول لي اتصلي فيني اي وقت

لكن ما يرضى يرد على الثانيه بليلتي

مو بس لاني طلبت منه هالشي

هو برضوا ما يحب يرد عليها ولا يكلمها بليلتي

يعني هي تتصل بس هو يتجاهل اتصالها

مع اني خلاص ما عادت تفرق عندي اتصلت وله ارسلت براحتها

لكن الزوج له دور بالشي ذأه

انا صرت ما اتصل صار هو الي يتصل علي وهو هناك ويجلس يكلم كثير باشياء مهي ضروريه اساسا

ولما يكون عندي تارك تلفونه على الصامت ولا يبي يرد على المكالمات ما يكلم الا امه وخواته واخوانه

عشان كذا لا تلوميها لومي زوجك بالاول

لان لو كان يبي يريح بالك من هالناحيه كان قال لها هالشي

انتي ما تقدرين توصلين لها الي مضايقج من هالوضع المزعج الي قاعد يصير لك

لكن تقدرين تتفاهمين مع الزوج الي انتي اخترتيه ان يكون زوجك

ومثل ما هي مهدده بخراب بيتها وانتي كمان مهدده بخراب بيتك لو فتحتي الموضوع

يعني الموضوع ذاه ممكن يحصل مو مشاكل لها بس

ممكن يحصل لك انتي كمان مشاكل

وممكن يقول لك انتي اخذتيني وانتي عارفه ان لي بيت وزوجه وعيال

يعني لو نتكلم عن الطلاق للاولى

كمان الثانيه ممكن بيدها تعمل مشاكل وما تكون صبوره و يكون نهايتها الطلاق

فطولي بالك واتفاهمي معه بهدوء

لاني ما اشك بالاولى بقدر ما اشك بزوجك انه ما يبي يهدي الوضع

ومو لاني هي قويه ما قدر عليها

لان هو يحسب لها حساب

وصدقيني انا مو ضدك لانك الثانيه

بس انا حالتي من حال زوجته الاولى

هو الي يطلب التواصل بيوم الثانيه

هو الي يمر علينا بيومها

عشان كذا اقول لك ترا مو كل اللوم على الاولى

بعض الاوليات مصرح لهم يعني الزوج مولع لها اللمبه الخضره عشان تسوي الي هي تبيه

وتتصل وقت الي تبيه

وتطلبه وقت الي تبيه

فلا تفهمي كلامي غلط

بس ابي اوضح لك ان الزوج له دور كبير بالمشاكل بحياة زوجاته

الله يسعدك ويوفقك ان شاء الله ويقومك بالسلامه

شوفي الله يجزاك خير لاتقوليني شي ماقلته
الثانيه هذا نصيبها ولاقلت جت وخذت الرجال من زوجته
حتى احنا نصيبنا أوليات ولاقلت شي
فاهمه علي

ياحلوه لازم تتفاهم كلكم انتي وزوجك وهي
ويحط قرارات صارمه محديتعداها
وتمشون على الصراط المستقيم كلكن تبن تعيشن مع الرجال عيشن كل وحده تبي المشاكل تحمل مايجيها
شوفي انا ماني في صف اي وحده فيكن لكن ياحلوه أستفزني ردك أنها الثانيه ماهو انا
والثانيه كل شوي طالعه بموال
هذا زوجك لاجاك قوليله وحلو موضوعكم
اللي كاتبه ربي لها بيجها كلمتيه
ماكلمتيه ماله علاقه حقك أخذيه
وعلى ماكلمتها الساعه واحده والله متعديه الخطوط الحمرى مره
وهو زي الاطرش في الزفه مزري يعدل الوضع بينكم

شوشو

ياريت نرجع

اهله والمدارس وشركته كل شي هنا

وغير عمله الرسمي الي راسلينه له هنا

يعني زوجي يعمل بدائره اساسا حكوميه تبع المملكه

ولو يبي يرجع راح يحول للرياض

وهو ما يبي يروح

وخلاص يقول نستقر هنا

وكل ما افكر باهلي

يقول الشرقيه كلها ساعتين وانتي فيه

يالله الله يقدم الي فيه الخير