صباحكم حلو
ومساكم احلا ~
مع منوعاتي
حلا قهوه وشي حلا عشاء
سويت صينيه منوعه لحلا القهوه وبدعت فيها وسويت لها ديكور
صاروا يسالوني من وين جايبين الصينيه شغل مييين]
على طول جا في بالي مشروع بيع زي هالحريم,, وش ناقصني
اييييه مااشتغلالا انا عاد وش حادني عالتعب==>عجازه مع مرتبه الشرف
اوريكم شغلي اول..
طبعا انا مصوره لكم ولا 10 صور ,, بس لاتخلين اي جهاز عند اي بزر عندكم في البيت
اشوى لقيت هالصوره ,,ولا كان انجلطت بسم الله علي==>ماتشتغل الا عشان تصور
اول حلا ~
شوكلا محشيه
طبعا تقدرين تبدعين بالحشوات مع قوالب السيلكون تخليك احسن واخطر طباخه
فكرت في حشوات كثيره دايم اشوف حشوات معتاده مكسرات او بسكوت ومعاه مدري ايش ولا طحينيه ولا شعيريه باكستانيه
قلت باغير عنهم كلهم طرا علي بالي البسبوسه]
سويتها بسبوسه اللي تعودت عليها واضفت عليها شيره ==>بس تكون الشيره وسط
طبعا طريقه الشوكلا في في قوالب السيلكون معروفه بس راح اعيدها هنا لكم لو احتاجها احد
10 حبات جالكسي مذوبه في حمام مائي او في الماكرويف
ابرد القوالب في الفريز شوي==>اسرع في تماسك الشوكلا على جدران القالب
بعدين ادخلها الفريز لما تجمد الشوكلا,, بعدين احشاها بسبوسه بعد مااهرسها
واغطيها بالشوكلا وادخلها القريز تجمد مره ثانيه
وبعدين قدميها
قلت باغير طريقه تقديمها
فكرت في القصدير الملون قد اشتريته مشان اغلف السندوتشات فيه
قلت خليني اجربه..
الكل انبهر بشكله وبحشوته
^ ^ ^
واخترت هاللونين يكسر اللون البني
الحلا الثاني ~
حلا ميني تارت الورده
تلاقونه في ملفي
الحلا الثالث ~
وردات الهوبي..
مافيه اسهل منه ولذيييييذ
20 حبه شوكلا هوبي مذوبه في حمام مائي==>لونه تغليفته موف ومكتوبه عليه بالاصفر
ملعقتين فول سوداني
نص كاس كورن فليكس مطحون==>طبعا تقيسين بعد ماتطحنينه
حركيهم زين وصبيه في قوالب اي شكل تحبيه وعلى الفريز
زوجي يقول تلعبين على نفسك تشترين شوكلا وتذوبينها وتقولين انا مسويتها :rolleyes:
عاد انا اقوول ايه ذقها بدون اضافاتي ولمساتي وشف وش احسن :wink2:
اخر حلا..
بيتفور محشي ~
اصبع ونص زبده طريه
بيضه
نص كاس سكر اول اقل شوي اذا ماتحبينه حالي
فانيليا
كاس ونص دقيق
ذره ملح
ملعقتين كبار نشاء ومثلها حليب بودره
نخفق الزبده و والسكر اول
ثم نضيف البيضه والفانيلا والملح
ثم نضيف باقي المقادير ونعجنها باليد
نجي لشغل الحين..
سوي اي طريقه تبغين ممكن تسوينها على شكل تارت وتحشينها اي حشوه
ممكن تكورينها وتحشنها مربى الكرز من العلالي وتحطيها في قوالب الكب مثل ماسويت
او تسويها على شكل اقراص بسكوت وتدهنين وجهها بالمربي و تذرين عليها فستق او جوز هند
^ ^ ^
لذيذ لمدمنات البيتيفور مثلي خاصه مع نكهه المربى
برب
