هل التأتأة من الاحتياجات الخاصة ؟؟؟؟؟

السلام عليكم ورحمة الله وبركاته

مابطول عليكم وبدخل بالموضوع على طول
عيال اختي توأم الله يخليهم لها عمرهم 8 سنوات يعانون من التأتأة بالكلام وتأتأتهم واضحة جدا وساعات تسويلهم احراجات ومشاكل خاصة بالمدرسة

هل يعتبرون من ذوي الاحتياجات الخاصة ؟؟؟
وهل اذا قدم أبوهم على اعانة لهم تمشي لهم ؟؟

الله يجزاكم خير فيدونا أحوالهم المادية هاليومين مو زينة وانا أقول لاختي قدموا على اعانة وزوجها رافض يقول لا ماراح تمشي لهم يعني هو مو رافض المبدأ بس مو مقتنع راح يعطونهم شي
أبي جواب قاطع من اللي يعرفون

5 تعليق 4,303 مشاهدة

شاركي في النقاش

سجلي الدخول لإضافة تعليق.

التعليقات

5
  1. @myar_6666

    بسم الله على عيال اختك مافيهم شي
    اختي اسلوبكم غلط مو عشان كم ريال تعقدوا العيال
    اعرف ان حالتهم المادية ماش بس الله يلعن الفلوس الي بتجي من ورا تحطيم نفسياتهم وكسر خواطرهم
    فلوس الدنيا كلها ما تساوي شي امام سعادتهم وثقتهم بنفسهم
    لانكم لو قدمتوا على اعانة راح يتحطموا والكل راح يسميهم يا معاقين
    التأتاة مثل لبس النظارة هل الي يلبس النظارة معاق ؟؟؟؟
    لو كانت الاجابة نعم ؟؟؟
    كانت الكرة الارضية كلها قدمت على اعانة ؟؟؟؟
    اتمنى ما اكون قاسية بالرد اختي
    سامحيني بس انا اتكلم من قلب مشفق للاطفال الابرياء
    وربي يحفظهم وتشوفيهم عرسان
  2. @aaalaaa_aaod

    السلام عليكم ورحمة الله وبركاته
    بالنسبة للتأتأة وبناءً على التعريف العلمي للأطفال ذوي الإحتياجات الخاصة فإن الجواب نعم هم من ذوي الإحتياجات الخاصة لأنها تدخل ضمن اضطرابات النطق واللغة ، وبشكل مبسّط أكثر هم بحاجة لتدخل أكثر من الأطفال العاديين ( خدمة علاج النطق ).
    ولكن هل هم معاقون ؟ الجواب لا ، لأن المعاق هو من تحدّ اعاقته من قدرته على التعلم وهم لا يدخلون ضمن هذه الفئة.
    وبالنسبة للإعانة فما أعتقد تصرف لهم والله أعلم.
  3. @mghrorh_fy_aayonh

    بس هم مافيهم شي يمشون ولا هم مرضا

    احمدو ربكم ع النعمه الفلوس للمحتاجين

    انا بنتي ماتمشي ورجولها متصلبه ماخذت

    منهم شي الحمدلله صرفيتنا عليه لنا به اجر

    الله يشفيهم يارب

تابعي تجارب أخرى من هذا القسم.