تمنيت اعيش زي البنات ملكه حلوه كلها مشاعر وقرب ...لكن

مساكم خير يارب كيفكم...


ندخل بالمهم..
انا مملكه وتقريباً مر على ملكتي شهر واكتشفت ان زوجي بدرب والرومنسيه بدرب آخر
بس فيلو صفات طيبه وتغطي نوعاً ما..
لكن كثير انصدم بردات فعله من اسلوبي وكلامي الحلو يعني اتوقع شي ويسوي شي ثاني
مثلاً امس اليوم كله ماكلمني على الفجر دقيت عليه مارد قلت يلا يمكن راجع من دوامه وتعبان وطنشت
اليوم لغاية الظهر ماتصل؟؟؟ اتصلت عليه مارد ولا قبل شويا دق
كلمني بهدوء وبروود قلتله وينك غايب فيك شي؟
رد وقال:: غايب وين احنا بمدرسه؟ مافيا شي بس جيت من الشغل ونمت
قلتلو اكيد انت بخير قال ايوه مافيا أي شي
بعدين رد:: يلا حبيت اطمن عليك تبغي خدمه مني؟؟
قلتله لا الله يحفظك وطرخ قفل على طول
شو رايكم؟؟ كثير يصدمني بردوده كيف اتعامل معاه والمشكله احنا بفترة ملكه مالحقنا يعني!!

33 تعليق 3,888 مشاهدة

شاركي في النقاش

سجلي الدخول لإضافة تعليق.

التعليقات

32
  1. @shmokh_aazy_27

    ههههههههه عادي حبيبتي الرجال كلهم كذا


    بس احنا رومانسيين وحساسين زيااده

    لاتتوقعين ردات فعل مرررره رومانسيه عيشي الموقف بنفسك

    والله يوفقك ياارب
  2. ربي يصلحك اثقلي اشوي خلية يفقدك تراالرجال يحب المرة تكون ثقليةاناماكلمتة الامرة كل مايتصل قولو مشغولة اونايمة ولاتكثرين مكالمات نصيحةتراتطيحين من عينة دخلت علشانك وانابصراحة ماايد المكالمات الاللضرورةتحياتي لك
  3. حبيبتي . .

    تأكدي مايحرك مشاعر الرجل إلا المرأة تشطري بأي طريقة وحركيها

    والرومانسية غالبا لنا أكثر من ماهي لهم . . تصرفي معه بطبيعتك حسسيه بإهتمامك خوفك حرصك

    حبك غيرتك شوقك حنانك دلعك أنوثتك سيطري عليه من كل الجهاااااااااات لحد مايتعود على إسلوبك إفرضيه فرض

    حبة حبة يتغير ولا تنصدمين من الردود الثقيلة مهما يكون هم غير وكل اللي متعود يخالطهم رجال مثله وأمه وأخواته تعرفين

    للتعامل معهم حدود وإنتي جديدة عليه علقي قلبه فيك لاتخلين المكالمات باردة يمكن يكون سبب في إنك ماكشفتي رومانسيته للآن

    وغير كذا إثقلي لاتتصلين عليه كثير خلي هو يحن ويشتاق ويدورك وبالآخر ياقلبي تأكدي إن زوجك عنده أحاسيس رومانسية لكن

    يبي من يحركها . . وبس

    موفقة ربي يسعدك

    لكـ ودي

تابعي تجارب أخرى من هذا القسم.