يوووه كتبت كلام وطار تعبت :(
حبيبتي انا زيك طيرت شغالتي من البيت في البدايه صعوبه
وتحسين ما تدرين وش تمسكين بعدين بتتيسر امورك ان شاء الله
بقولك بختصار افكار لبيتك علشان يصير سهل عليك تنظيفه
اول شي للمطبخ اشتري با الكراتين بلاستك ملاعق اكواب
سكاكين شوك سلطانيات صحون حتى يبيعون صواني معدنيه
تطبخين فيها مره وترمينه بنسبه لصواني وفيه بعد صحون كبار
تبا سي للكبسات والزي منوو.. من جد اختصرت علي الوقت
والتنظيف..
بنسبه لتنظيف الطاولات والدولايب على طول يومياااا تمسيح
بمويه دافيه وديتول يجي انواع الديتولات الي با الخزامى
والي بريحة الورد بصراحه جونان وخلي يدك خفيفه يوميااا
طاولة الطعام والدولايب مري مرور عليهااا وجففيهاا بفوطه
نظيفهااا
نجي للفرن كل اسبوع غيري القصدير بيصير سهل التنظيف ويهبل ومن جوا الفرن مويه دافيه وخل وشوي ملح علشان
تشيل لك روايح الطبخ من جوا وانا افركه بسلك بس على خفيف
نجي لثلاجه ومقابض الابواب يبيعون مناديل كلوركس كلمة عجيبه
شويه عليهااا ثلاجتي وادواتي الكهربا ئيه والعجانه تعطيهااا لمعه
ونظافه وتشيل الاوساخ كنه مزيل مناكير من قوته وريحته تهبل
ما تتعب الصدر...
الارضيات طبعاا بيتي كله قلبته مشمعات صاله مطبخ غرفة نوم الاطفال علشان بسرعه تسهل التنظيف ما اعترف ابد با الموكيتات
والفرش نهائي مع الاطفال حتى كنباتي كانت قماش ورحت نجدتهاا قلبتهاااا جلد علشان بسرعه تصير سهلة التنظيف وما تا خذ مني وقت .. الارضيات شريت لي مكنسة البخار وللأسف
خسارة فلوس على الفا ضي متعبه وتا خذ وقت وثقيله على يدي
شوي تركتها على جمب وشريت لي مكنسه مع معصره يبيعونهاا في بنده بس مو مكنسة الي فيها نب لا وع النب اول تمسيح فيه يعفن النب حتى لو غسلتيه مكنستي قماش على شكل شرايط كثيره وطبعاا يجي معهاا بلاستك خاص فيها تحطين
مويه دافيه وديتول بأي ريحه تحبينها وهاتك يا مسح ما تا خذ منك
عشر دقا يق وبعض الا حيان استخدم زيت فواحه العطري بدال
الديتول.. من زهور الريف ..
نجي للكنبات امسحهاا بمناديل الكلوركس وموب كل مره علشان ما تشحب ويبهت لونهااا اغلب شي مويه دافي وفوطه وخلاص
لانه جلد زي ما قلت لك ما يا خذ وقت في الفرك..
غرفة اطفالك تنظيف ترتيب يومياا غسيل المفارش حقت الا سره كل اسبوع واغلفة المخدات ومسح الارضيه مشمع بديتولوالمويه
وخلاص مره في الا سبوع الصاله والمطبخ يومياا وبعض الاحيان توصل اني امسحهاا مرتين في اليوم لان اطفالي ما يقصرون لازم
يحطون تواقيعهم وبصماتهم على الارضيه ولا ما يرتاحون ..
الحمامات كل ثلاث ايام حمامي الخاص وحمام بنتي وبعض الاحيان
اذا كنت تعبانه في الا سبوع مره.. اهم شي الديتول ومنظف المرحاض السائل وسلة النفايات بكل حمام وملون السيفون
ضروري والارضيه كل ما دخلتي الحمام اشطفيه وخليه عندك صابون بكل حمام وديتول بعلب مرتبه ونظيفه كل مره دخلتي وحسيتي انه مو نظيف كبي وافركي ما يا خذ منك عشر دقايق
غسيل الملابس يوميااا ما اعترف كل نهاية اسبوع لان اطفالي لازم
ملابس وتغير كل شوي ما احب اراكم واخرتهاا اكلهاا انا اقعد اغسل واطبق ملابس والله مغير افطس..
نجي للكوي ما اعترف نهائي اكره كره العمى اذا شفت الكوايه انهار نفسياا والله لو بس بلوزه ما احب ابد الا في الشديد القوي
كله برا عند الكواي والله يعيني نفسي اصير سنعه واكوي في البيت
ولا تنسين في البيت وانتي تنظفين تشغلين القران او سورة البقره وحطي فحم على النار وبخري بيتك با العودوالبخور
ولا تنسين الفواحات يوميااااا تعطي بيتك ريحه حلوه ونظافه
ومع القران راحه نفسيه عجيبه ..
واطفالك نصيحه لا تخلينهم مبهذلين وحالتهم حاله انا كنت اخليهم
اتعب والله اقول بكيفهم بعد شوي بغير لهم لا غلط زوجي صار
يتضا يق كل ما دخل البيت يقول حرام عليك لحوج ذولي مو عيالي ليش كذا اشكالهم الي شعره كشه والي لابس بجامات
لونين والي مخلقن والي كل وجهه شوكلاتات وزبادي من جد
حالتهم يرثى لهااا ومن بعدهااا صرت ارتب عيالي وانظفهم
وأوحد لبسهم في البيت وبرى وداعااااا للخلاقين وصرت امشط
شعورهم وداعا للكشش الطايره واعطرهم والحمد لله مشي الحال هي مسألة تعويد..
وشششششششششششش كمان نسيته والله مدري لوافتكرت شي جيت وكتبته لك وان شاء الله يعجبك
ولا تنسين نفسك خليك مرتبه وشيك والعطورات تفوح منك
كل مره عطر ولا توله دهن عود غير ترا لهااا دور كبير
لو رجع زوجك من برا وشاف البيت مرتب ومنظف وانتي حالتك يرثى لهااا ما يبين بعينه الي سويتيه كله .
الشي الي لحد الحين ما نظفته ماني قادره انضف عندي انخفاض
بضغط الي هو الدرج ارتبه بس ترتيب لكن والله غبار تعبت من جد
كل مره اكنس ومتعب وادوخ منه فتركته وسطح الشقه هم بعد
ما اقدر اكنسهاا من الغبار ارتبها وخلاص لان حتى لو اكنسها
واغسلهااا اليوم الثاني غبار مافي فا يده وان شاء الله ادور لي
حل لان اشيل هم المدخل احب يكون مكنوس ونظيف من الغبار
قدر الله علي وراحت شغالتي هلب .... مي....
متابعة النقاش، صفحة 5