نصائح هامة و ضرورية و تهم كل عروس تستعد للزواج

الجزء الثاني

السلام عليكم ورحمة الله وبركاته

اختي العروس ..

نجي الان بعد التجهيز النفسي للخطبه والشبكة و الملكة ..

الان يبدأ تجهيزك للجهاز و شراء الاغراض وغيره .


اكيد المعظم يجيهم مهر .. ( 50 ألف ) ... وهذي بصراحه ما تكفي ابداً

عشان كذا اول نصيحه .

1- اذا كان موعد زواجك بعيد شوي يعني اكثر من 4 شهور .. فأنصحك انك تاخذي نصف المهر و تحطيه في صندوق استثماري او تستثمريه انتي في الاسهم .. و تحاولي انك تعوضيه مش تخسرية .عشان يكفي متطلبات زواجك .

2- احصري كل متطلبات مشترياتك في نوته و اسئلي ... اسئلي كل من تعرفيه .. بالنت في الدوام في الكلية في العزومة .. من فين اشتري هذا ومن وين اجيب هذا ومين ارخص ومين اجود .. يعني لازم تكوني خلفيه كامله شاملة لكل شي ووين تحصليه بارخص ثمن .

3- دوني في المفكره كل الاغراض و كل غرض . اكتبي عنده كل المحلات الممكن انك تلاقيها عشان تعرفي كيف توفري .

لان ....

((( لان جهاز العروس ما يمكن يخلص ابداً ))))

4- خصصي كل غرض له يوم معين او يومين او حتى اسبوع .. عشان تقدري تخلصي من كل شي في وقت قصير وبدون ما تضيع فلوسك من غير ما تحسي ..

يعني يوم حق ملابس داخليه .. لو تشوفين عطر تدورينه .. لا تشتريه .. قاومي .. وخليه في يوم ثاني .. اهم شي اخلصي من الملابس الداخليه .بعدين نتفاهم بكرى .


5- الملابس الداخليه - قمصان النوم - الاكسسوارات - اكسسوارات غرفة نومك - مفارش .. اشياء ما يحكمها مقاسك اللي ممكن يتغير او موضه يمكن تتبدل .. اذا لقيتي محل ماركة حلو و عامل تخفيض خذي ولا تبخلي على نفسك .. (( اقتنصي البضاعة الممتازة اينما كانت )) حتى لو كان زواجك بعد سنه . لان هذي الاشياء راح تشوفيها انتي و زوجك وبس .

6- المكياج و المستحضرات والعطور و اهم شي المكياج .... لا تشتريه غير قبل الزواج بفترة بسيطة يعني اقل من شهر كذا .. عشان ما يخرب او يفسد مع الحرارة .

7- قمصان النوم .. تخطى بعض العرايس بانها تشتري اشياء قصيرة و غاليه .. بالعكس ... هذا يأثر على زوجك .... بصراحه تطيحي من عينه .. نوعاً ما يعني ..

فالافضل انك تشتري الطويل الناعم المحتشم و اللي معه عباءة شفافة ناعمه ذو اللون الهادي الفاتح ... لانك راح تكوني انيقة زاهية ملكة و تأكدي انه ما راح يمنع الزوج شي حتى لو كان ذو ياقه عالية .

شي ثاني . قميص النوم لا تقربي من اللون الاسود او الغامق .

اشتري اثنين بس غاليه الثمن ولا تتجاوزي الـ500 ريال في الواحد والباقي حاولي تقتنصي لك القمصان ذات العبايات الناعمه و الطويلة و الرخيصة ...

لان الزوج بالفصيح ما راح يميز بين الغالي و الرخيص بأي شكل من الاشكال . يعني لا تغركم الماركات .لانك انتي كمان راح تملي من هالقمصان و تبين تجددين خلال ثلاث شهور او اكثر

و القمصان القصيرة المغرية ..... ممدين عليها ..قدامك ان شاءالله العمر كله

8 - الاحذية والشنط .. خليها آخر شي .. بعد ما تخلصي من التايورات والفساتين و الجلابيات ... عشان تعرفي تناسقي بين الالوان .

9- الملابس الداخليه ... لازم تكثري من الكلوتات القطنية السادة عشان ما تتوهقين و تروحين تشترين بعد الزواج و تفشلين قدام زوجك .

حاولي تشتري لك الشورتات القطنية الطويلة الداخليه عشان السفر او الجو الحار عشان ما يعمل لك سواد بين الفخذين .

10 - العباية سوداء . اكيد البنت السعودية راح تشتري عباية وطرحه ..

المهم .. يلزمك كذا عباية . يعني عباية الزواج هذي اكيد بعض البنات بياخذوها من عند محلات ( تويلا ) و يبي لك عباية ثانيه خليها للعزايم و عباية ثالثة خذيها رخيصة و مقفلة ( اسلامية ) لزوم السفر او لما تطلعي تتمشي انتي وزوجك على بحر او بر او شي .

والله الله بالحجاب الساتر المحتشم مش المزركش الملون الضيق الصفيق .




شوفوا الكلام كثير و تراني ما خلصت . و جهاز العروس ما يخلص ..

اتمنى البنات استفادو

ولنا رجعه ان شاءالله و وروني تفاعل البنات خل نشوف مين اللي بنفرح فيها قريب .

جزاك الله خيرا
وأسال الله أن يعننى على التجهيز وان يتم لى أمر زواجى على خير آمين وصلى الله على لنبى محمد وعلى ازواجه وال بيته وصحابته اجمعين

شكرا جزيلا ياحبيبتى

اللهم ىرزقنى بالزوج الصالح انا وكل بنات المسلمين

الله يعطيك العـــــافية على هذا المجهود الرائع ..

يزاج الله خير يالغلا

مجتاجين لهالنصايح الطيبة :)