السلام عليكم و رحمة الله و بركاته
بنات بوظبي الغاليات ممكن تدلوني على أحسن حضانة ممكن أحط قلبي فيها (ولدي)
بس تكون نظيفة و العاملين فيها على مستوى و مؤهلين و مختصين ...
على فكرة هذا و لدي الوحيد و ما عنده أطفال فالبيت عسب جي هو شو متأخر في الكلام أباه يندمج مع الأطفال و يصير ذكي و أجتماعي لأني أحسه بليد فديته يعني شوي بطئ في الفهم ..
علىفكرة أباه يتكلم عربي عسب يعرف أنجليزي (لأن معظم الحضانات المودرن اونهم كل الStaff أجانب )
أنا حطيته بس شهر في حضانة عالمي الممتع و ما احسه استفاد يعني خذو فلوسهم 1000 درهم حتى يوم غاب ما سألوا عنه وقلت ما راح اوديه
أدري اني غثيتكم بكلامي بس و الله محتارة معاه :(
شاركي في النقاش
سجلي الدخول لإضافة تعليق.
التعليقات
7- ان شاء الله البنات يفيدونج
- وينكم بنات ...افا و االله افا ... ماه هقيتها من بنات بوظبي
على العموم مشكورين و ما قصرتو ا - هلا حبووبه
جربي حضانة افتح يا سمسم ..... تخص مدرسة الياسات ... انا كنت بدخل بنتي بس الضروف عارضتني ....
روحي وشوفيها ...
الله يوفقج و يسلم ولدج - كان خاطري اساعدج بس والله ما اعرف في الحضانات ..
السموحة - هلا اختي
بقولج عن حضانه زينه
ولد اختي مثل ولدج تاخر شويه بس بالكلام ووايد هادي فحطته بحضانه عربيه زينه عشان يندمج مع الاولاد ويتشجع يتكلم
اسم الحضانه حضانه المستقبل (انتبهي هذي غير نجوم المستقبل)
مكانها ورا فرع بنك ابو ظبي التجاري اللي بشارع المطار
الحضانه وايد مرتبه ونظيفه والمشرفات حبوبات وعربيات
انتي روحي زوريها بالاول وانشالله اكون افدتج
على فكره فيه حضانه ثانيه في البطين ورا جمعية البطين تقريبا اسمها الفراشه بس اختي ارتاحت لحضانة المستقبل واعتقد قسطهم الشهري اقل عن 800
مواضيع مشابهة
تابعي تجارب أخرى من هذا القسم.