هاديه وخجوله ومااتسوولف ,,

@shoar_fskyh


بسم الله الرحمن الرحيم
السلام عليكم ورحمة الله وبركاته

كيفكم احلى بنوتات

شوفوا ياناس انا جايبه موضوع جدا مهم وكثير حريم يعانون منه ومسبب لهم عقبه في حياتهم الاجتماعيه وعشان كذا انا طرحت ها الموضوع للنقاش للبحث عن الفايده للجميع,,,

موضوعي عن الحريم او البنات اللي في اغلب االتجمعات النسائيه تكون هاديه ومكتمه وماتسولف من يوم تجي لين ترووح وهي ساكته,,

اول شي
أبغى اعرف نظرة الحريم لها ويش يقولون عنها وهل جلستها مرغوبه والا الكل يحاول يبتعد عن جلستها حتى لوانها طيبه

ثانيا
كيف الوحده تقدر تغير نفسها وتتحول لثرثاره وفرفوشه والكل يدور جلستها

انا بقولكم نظرتي عن اللي ماتسولف اتوقع انو الشي هذا خجل اوماعندها مهاره في صيغة السواليف لكني اكتشفت انو في حريم يحسبونها تكبر وانها ماتتنازل تسولف لان محد عاجبها

والاراء تختلف وكل وحده تدخل لازم تعطيني رايها

يلله انا تعبت من كثر القرقه اتركلكم الميكرفون او الكيبورد

بليز ابغى تفاعل وحماس لانه كثير بنات راح يستفيدو وانا منهم يلله شدو الهمه:27:

42 تعليق 8,763 مشاهدة

0 0

شاركي في النقاش

سجلي الدخول لإضافة تعليق.

التعليقات

40

  1. @dlaa_noty

    موضوع جميل ويشرفني ارد
    انا بصراحه من النوع الهادي يعني مو ثرثاره كلامي جدا قلييل غالبا ماحب اسمع السوالف وقول رايي بهدوء
    نضرتي للبنت الساكته الي مااتحكي ابد اقول عنها تستحي وماحب اكلمها كثير ولو شفتها جالسه بمكان ماجلس يمه
    وانا احب اجلس مع الثرثارين لانه غالبا سواليفهم حلوه خخخخخخخ

  2. @miss_fo0shi

    انا طبعي هاديه واسولف شويــــــااات واحب الوناسه والضحك مع اللي اعرفهم
    ونظرتي للخجوووله احاول اسولف معها اذا في مجال يمكن تبي تسولف لكن مستحيه
    ,,
    سبحان الله وبحمده
    سبحان الله العضيم
    ,,

  3. @zaaymh_asya

    يووه انا كذا اذا جلست مع ناس كثير او جلست مع ناس ماعرفهم اسكت ماعرف وش اسولف واصير طرمى ولا كلمه وكل شوي اقوم احسهم يقولون عني مغروروه وماعجبتها جلستنا مع ان عادي بس انا استحي

    نفس اللي فوقي اذا جلست مع بنات عماني انواع الضحك وصديقاتي بس احد غريب لا ماسولف معه ابد مع اني اتمنى اكون جريئه بس مقدر

  4. @lsmty_mlamh

    وعليكم السلآم

    نظرتي لها عآآديه هي طبعهآ خجوله وهآديه فهذآ شيء

    طبيعي أنهآ مآتتكلم أبحآول أفتح معهآ موضوع وأكيد

    بتدخل جوو معي وتسولف

    أبدآ مآانظر لهآ نظره سيئه ..

    ((وكل وآحد ينآظر الناس بعين طبعه))

    موضوع جميل

    لك كل الشكر أختي

    موفقه

  5. @shoar_fskyh

    صاحبة الموضوع
    بجد بنات اشكركم من قلبي على التفاعل

    بس ماحاولتوا تطوروا من نفسكم يعني انا من قبل كم سنه كنت

    كذا بس حاولت وتغيرت شوي يعني صرت اطلع بثلاث اواربع سوالف خخخخخ

    بحثت في النت عن تطوير الشخصيه ومهارات في الحوار وو

    وفيه طريقه كنت اسويها بس لا احد يضحك

    قبل لا اروح لاحد افكر فسواليف واجمعها بعدين اروح وشوي شو ي مع الوقت وتصير تجيك

    العلوم من حالها

    يابنات لازم الوحده تصير طبيبة نفسها وتحاول عشان تتحسن شخصيتها وتقدرتتعايش مع اللي حولها,,,,

    يلله وين باقي التفاعل

تابعي تجارب أخرى من هذا القسم.