¤''¤~ ملتقى نوارات تونس ~¤''¤

عسلامة يابنات تونس
شني حوالكم لاباس
يعيشكم والله رجعتوني لايام حلوة عشتها بتونس كانت ايام برشة حلوة
عشت بتونس سبع سنين وعملت فستان زواجي على الطريقة التونسية


بصراحة الصور اللي حطيتوها فعلاً روعة
سيدي بوسعيد من اجمل الاماكن اللي زرتها بتونس والحمامات وسوسة وبنزرت

وبهذه المناسبة نحب تعطوني طريقة عصيدة الزقوقو والغريبة التونسية والمقروض
انا عندي طرق كثيرة لها بس نحبها من توانسة اكثر بتكون الطريقة مضبوطة

ازربوا نحب نعملها غدوة

واحلى سلام لبنات تونس


وبسلامتكم

اهلا بيكم البنات الكل

سامحـــــــــــــــــــــــــــــــــوني اما راني حاضرة بالغياب عندي برشة خدمة ما تتصوروش اما ساعة ساعة نعمل طلة عليكم ما ننجمش نغيب جملة وحدة عليكم، ان شاء الله ديمة ملمومين وفارحين ديما.

um chaima : يعطيك الف صحة شنوة طاولة ناصبتها منا لغادي يا رب ديما عامرة، انا ناخو كاس تاي منعنع بالبندق ومعاه صحن حلو لبناني والباقي السماح وصحة ليكم انتوما متغربين نحييو شهوتكم اما احنا في تونس تبارك الله موش فال عندنا.

عزيزة : ان شاء الله البنات يفيدوك سامحني راني في الخدمة وسارقة روحي شوية معاكم، وكان ما لقاولك شيء البنات وعد مني ان شاء الله في اقرب فرصة.

سارة 710 : ما تخلي شيء في قلبك يا ميما، انتي تشتهي حاجة واحنا اش نعملو، ابعثلي عنوانك على الخاص، وانا وراس اختي نبعثلك النواصر وكان تحب حاجة اخرى من تونس انا حاضرة يا عزيزتي.

نخليكم توا في امان الله وهنيوني وردوا بالكم على بعضكم.

مرحبا بيكم يا أم شيما الغاليةجردتي تنور إذا زرتوها تزورنا البركة عزيزتي..وأنا نعرف قلبك كبير كبر الدنيا ..و ربي يوفقك وتواصلي تألقك في هالمنتدى..كلمتك وحضورك لهم وزن خاص..في قلوب الجميع..كل الحب لك...
كنزة الغالية ..لاعدمناك..ولاعدمنا هالقلب الي يساع الدنيا كلها..عزيزتي أنا من أمس ما صبرت واتصلت لصاحبتي في تونس قلت لها يا النواصر ياأنا(قضية شرف..خخخخ)وقالت لا وخيتي نواصر تونس كلها نبعثها لك ..إيش رايكم تجو تفطروا معاي لما تجي النواصر..ولا إذا شبعانين منها نعمل لكم كبسة عمانية,..والله بنينة تشره وأنا وخيتكم نتفنن فيها نعملها تشهي...
حبيبتي أسعدني ردك فتقبلي كل حبي..وتقديري..

يا مرحبا بأختنا عزيزة و تونس تحب اللي يحبها
تفضلي أختي هذه الوصفات التي طلبتيها
عصيدة الزقوقو
500 غ زقوقو
500 غ فرينة
2 ل ماء
300 غ سكر

ترحي الزقوقو ناعم جدا ثم يخلط مع الماء ثم يصفى 2 و حتى 3 مرات
يخلط الماء و الفرينة ثم يصفى لإزالة الكويرات
ثم يطبخ على نار متوسطة مع التحريك الدائم مدة 20 دقيقة أنا أستعمل آلة كهربائية حتى يخثر ثم نضيف السكر
بعد الطهي مباشرة توضع في الأواني المخصصة وهي لا تزال سخنة خلي مكان الكريمة

الكريمة
لتر من الحليب
قرطاس فانيليا
5 أصفر البيض
120 غ فرينة أو نشا
200 غ سكر
يغلى الحليب و الفانيليا
يخلط السكر و أصفر البيض جيدا ثم الفرينة بالآلة الكهربائية
و يصب الخليط على الحليب مع التحريك المستمر حتى تخثر
ثم تصب فوق العصيدة
بعدما تبرد تزين بأنواع من الفاكية
و تاكل بالشفا

مرحبا بأختي kenza ربي يعينك أختي شي أبجل من شي
إحنا قاعدين نهتريوا من قلق الدار و الغربة حتى الطقس ما يشجعشي على الخروج
جاب ربي عالم حوى لمنا و ينقص من غربتنا و حدة في الشرق لخرى في الغرب
ربي يكون في عون الجميع

أختي سارة كلامك عسل و دمك خفيف إن شاء الله بيتك عامر باأفراح و المسرات
و ربي يجمعنا في الجنة