بسم الله الرحمن الرحيم
اخواتي الغاليات انا عند وعدي وبكتب لكم كل شي اعرفه عن الدكتور الشافعي وعنوانة بعد .
هو اسمه الدكتور احمد الشافعي بالخمسين من عمره.
سعودي الاصل وماخذ الجنسية البحرينية وعايش في البحرين.
عرف عنة امير من جده عرف انه دكتور شاطر في مجاله فقال للشافعي تعال جده وبسوي لك عياده فخمة وبعطيك مبلغ يرضيك بس الدكتور رفض لانه ما ينكر ان البحرين استقبلته ورحبت فيه وهو عايش مبسوط بينهم فما ينكر فضلهم عليه.
دراستة الطب البديل
اول جلسة يكون فية السعر مختلف 950 او 1200 قيمة الفحص والعلاج يعني على حسب بس في الجلسة الثانية تدفعين قيمة العلاج بس 250 ريال سعودي
الفحص طبعا لو كان الفحص يحتاج ان المرأه تكشف جسمها فعنده ممرضات مخصصهم لهذا الفحص وبعض الاحيان يفحص على المرأه اذا كان الفحص في منطقة الرأس مثلا وبعدين فحصة كله متعلق بالاجهزه يعني ما يمسكك مثل الدكتور العادي .
بقول لكم عن تجربتي معه...انا بصراحة ما كنت مقتنعه اني اروح عنده وكنت ابي اروح لعيادة الدكتور سليمان بالخبر علشان اسوي تلقيح صناعي لان تعبت من الادوية وحالتي النفسية مرررررررررره كانت زفت.. المهم زوجي اصر اني اروح له بعد ما شاف اخت وغيرها كيف تحسنوا على ايده طبعا التوفيق من الله ....المهم رحت كان يوم اثنين وجلست انتظر تقريبا ساعتين وجا دوري ودخلت علية وشرحت له حالتي بان صار عندي حمل خارج الرحم ومن بعدها ما صار لي حمل بعد ها رسلني مع ممرضة لغرفة ثانيه علشان تسوي لي الفحص قالت لي اخلع ملابسي العلوي مع السنتيانه وجابة مثل القلم موصل بالكمبيوتر وصار تحطة علي من راسي لحد منطقة الرحم وقالت لي لا تتحركين وخلتني خمس دقايق وسوت لي الفحص مره ثانيه وبعدين لبست ملابسي ورحت لغرفة الانتظار وبعد نص ساعة نادوني ودخلت انا وزوجي علية فرسم لي الرحم عبى ورقة وقال ان فيني التهاب في بطانة الرحم وشرح لي مكان الاتهاب في الرحم وان الجفاف اللي احسة وقت الجماع والالم الفضيع بعد الجماع هو سببة التهاب بطانة الرحم فقلت له عندي اكياس على المبيض وسويت حرق لهم بالليزر وبعد اطلعو مره ثانية باسبوعين بس طمني وقال باعطيك علاج لمدة شهرين بشيل لك هذا الالتهاب وبيخفي الاكياس تماما وعلشان تتمنين روحي للدكتوره بعد العلاج واكشفي ... بعد 5 ايام من العلاج اللهم لك الحمد راح الالم اللي كنت احسة بعد الجماع كان الم فضيع يشبة الم الطلق وبعد شهرين من العلاج فعلا رحت للدكتوره واكشفت على والحمد لله شافت رحمي نظيف والاكياس اختفت اللي كانت متعبتني كل هالمده والحمدلله بعد علاجة بمده بسيطة كنت رايحة للدكتوره علشان الدوره مقطوعة عندي من بعد ما استخدمت علاجة جاتني الدوره مره وبعدها ما جات لمدة شهر ونص فقلت لها تعطيني حبوب تنزل الدوره ولما اكشفت علي طلعت حاااااااااامل.
طبعا يا اخواتي اللي بتروح عنده مو ضروري يكون علاجها مثلي او مدة العلاج مثلي حتى لو أي وحده منكم فيها نفس مرضي لاتتوقع انها بتكون نفس طريقة علاجي يمكن تطول لان كل جسم غير عن الثاني يمكن جسمي تقبل العلاج بسرعة يمكن وحده مثل حالتي تطول ويكون استجابة جسمها للعلاج بطيئة فهذا نقطة مهم يا اخواتي العزيزات لاتقولون قالت شهرين تعالجت وبعدين يمكن يكون علاجكم يطول تقولون اني كنت اكذب لا والله انا قلت لكم اللي صار معي وانشالله لو كنت ابالغ بكلمه ربي انشالله ما يتمم حملي ..
انا اخت زوجي لها الحين سنة تتعالج معه في صداع مزمن غير طبيعي لدرجة يخليها معزوله عن الناس وعيالها لمده 3 ايام وماشاء الله تحس بتحسن معاه مع ان علاجه معها طول بس يقول ان سبب صداعها هو الرحم وعضلات الرقبة من ورى واختي بعد تعاني من الصداع قال لها السبب نفسي جاتها صدمة عصبية من 3 سنوات خلت عندها هالصداع ....حتى زوجي يتعالج عنده هو اللحين له معه4 شهور والحمد لله حالته في تحسن انشالله ربي يشفيه ويشفيكم جميعا .
اللحين بشرح لكم عنوانه
اول ما تدخلين البحرين بتلاقين لوحه مكتوب عليها المدن اول ما تلاقين لوحة مكتوب عليها مدينة عيسى ادخلي..الحين تمشين على طول بتلاقين دوار اتركية وامشي – بعدها بتلاقين دوار ثاني لفي منه يسار بتلاقين لوحة مكتوب عليها شرق مدينة عيسى - امشي بتلاقين على يمينك ووزارة الاعلام وبعده الحرس الوطني – بعدها بتلاقين دوار ترجعين منه بتلاقين لوحه مكتوب عليها شارع الاستقلال تمشين شوي بتشوفين العيادة على يمينك – كيف تدخلين له تمشين اول لفة على اليمين ادخليها بتلاقين الاسكان عاد يبيلك تلفين كم شارع داخله وبتوصلين انشالله له بالسلامة.
ملاحظة
( خذي معك الادوية+الجواز+الفلوس)
(ما يحتاج انك تباتين في البحرين)
(يعالج امراض كثيره ومش كل الامراض ومش متخصص للعقم فقط)
ربي يشفي الجميع ويفرحكم والله ادعيلكم من كل قلبي واسفة على الاطاله بس هذا لزوم التوضيح اللي بعضكم اطلبة مني
الحمد لله رب العالمين
باركولي حملت بعد سنتين والفضل لله ثم لهذا الدكتور صدقوني علاج سهل
متابعة النقاش، صفحة 21