حرمه عجوز دخلت بالمستشفى تبكي وتقول ابوس رجولكم :(

السلام عليكم
امس كان عندي موعد بالحبيب
وجالسه بغرفة الانتظار
وفيه يمكن خمس حريم
شوي إلا تدخل وحده عبايتها على راسها ويدينها احسها خشنه ومجعده من الشقا
وعيونها ذبلانه وحزينه
شكلها حرمه عجوز
وجلست وعيونها بالارض مدري ليه من شفتها مررره ارتحت لها
شوي قالت
يابنات
تكلم كل اللي بغرفة الانتظار
انا داخله على ثم عليكم
الفقر مو عيب
انا بنتي مريضه فيها صرع وانفصام
وماعندي حق علاجها
وقالت انها بنوباتها لما تمسكها تعظها البنت بيدها وفعلآ مدت يدها وفيه عظه قويه اللحم طالع
ورتنا وصفة العلاج وجلست تصيح تقول بس ابي سبع ميه وخمسين حق العلاج واللي مو مصدقني يروح معي للصيدليه بشتريه وتجلس تترجا وتقول تكفون ابوس رجولكم بنتي تموت
ااااه يابنات قطعت قلبي
واللي حرني وقهرني لما فتحت بوكي مافيه كاش كله بطاقات ومافيه صرافه قريبه
بس ماقصرو البنات اللي بغرفة الانتظار جمعو لها المبلغ وطلعت ودمعتها على خدها وقالت لهم تعالو معي عالصيدليه عشان تعرفون اني بحاجه للعلاج ما اكذب
والله حرام عجوز كبيره كذا يصير لها
انا احس تبلدت وجاني احساس غريب
يالله فيه ناس فقراء لهالدرجه
طيب وين الحكومه عنهم وين الجمعيات تحلف ان الشؤن اللي تجيها من الدوله ماتسدد الاجار وهي ارمله
اللي ذابحني حسره وقاهرني
اني ماخذيت رقمها اه يالقهر
مدري ليه ماخذيته من الصدمه اول مره اشوف احد كذا تبلدت بنات والله مقهوره ليت رقمها عندي :44:
احس ودي اعرف وينها او رقمها عشان اساعدها
بنات استحلفكم إذا تعرفون حالة ناس كذا ارسلو لي رقمهم
والله احس ان الدنيا مافيها خير
يعني وش بيضر اي وحده موظفه إذا ماعندها إلتزامات ربع راتبها تخصصه لناس كذا
انا بأذن الله ودي اسوي كذا حتى لو قليل نفرج كربهم ونسعدهم
وبس
استغفر الله العلي العظيم واتوب إليه :icon33:

147 تعليق 14,132 مشاهدة

شاركي في النقاش

سجلي الدخول لإضافة تعليق.

التعليقات

142
  1. اه ياقلبي وجعتيني عليها الفقر يموت وادا قلنا شي قالوا احنا بخير طيب وين الدوله عنهم حسبنى الله ونعم الوكيل


    والي تقول الحكوميه هههه متى يجي دورها ....؟؟
  2. احيانا المستشفيات الحكوميه تصرف لك علاج وتقول اشتريه من الصيدليه

تابعي تجارب أخرى من هذا القسم.