بسم الله الرحمن الرحيم
يابنات ابشركم اني راح اتوظف في جامعة الملك سعود بعد معاناة استمرت عشر سنوات من تخرجي والله ثم والله الدعوى مافيها واسطة ولا شي كل بفضل رب العالمين الي رفع سبع سموات من غير عمد ومع الاستغفار والدعاء والإلحاح وعدم اليأس من الوظيفة صحيح عمري راح منه عشر سنوات لكن الخيرة في ماختاره الله
القصة : من قبل سبع سنوات قدمت على الدرعية وقبل خمس سنوات قدمت على عميد الجامعة ورفض اوراقي وقال مرفوضة السبب ماعندي واسطة وقبل ثلاث سنوات قدمت على الجامعة وقالوا مافيه وظائف روحي لدرعية طبعا الدرعية خذوا رقمي وقالوا بنتصل هذا الكلام من ثلاث سنوات ويوم جاء قبل اسبوع الا وهم داقين علي تعالي اختبري مقابلة ؟؟ قسم بالله يابنات بكيت من الفرحة ماصدقت ورحت ضبطت الغداء لأبو العيال غداء محترم يقول ليت كل يوم فيه وظايف :icon28::icon28:
طبعا المقابلة : كانت غرفة فيها خمس موظفات عجز يسألوني أسئلة عادية عرفينا على نفسك وش رايك بوظيفة حارسة أمن :09::09:؟؟؟؟؟؟؟؟؟ طبعا رفضت وطلبت وظيفة إدارية قالوا خلاص بعد شهر بنتصل عليك وانتي ماراح نحطك بعليشة بنحطك بالملز أو غرناطة قلت ماعندي مانع وهذاني انتظرهم الى الآن على أحر من الجمر ( نحفت من التفكير وطاح شعري )):eek::angry2::eek::(
لكن يابنات ابي استفسر منكم شي على أي مرتبة راح يحطوني ؟؟؟؟ لاني خلاص مافيا أمل التعيين والتعليم كرف وتعب وانا جربت الطالبات مايحترموا المعلمة زي زمان . ومن باعني عشر سنوات بعته ياديوان الخدعة المدنية ..
مؤهلاتي هي :( بكالوريوس لغة عربية من جامعة الملك سعود غير تربوي + دبلوم حاسب وتعليم سنتين + دورة معارف + خبرة فصل دراسي واحد على عقد معلمة بديلة بمدرسة حكومية )
السؤال :على أي مرتبة استحق وعلى أي درجة من المرتبة ؟ وكم الراتب ؟
السؤال الثاني : كم البدلات وماهي هذه البدلات طبعا من غير الراتب الاساسي؟
شاركي في النقاش
سجلي الدخول لإضافة تعليق.
التعليقات
41- ماشاءالله ربي يبارك لك ومؤهلاتك حلوه وان شاءالله يحطونك إداريه
بس ليش سألوك عن رأيك بوظيفة حارسة امن خخخخخ
الله يوفقك حبيبتي
ماعندي علم بتسائلك بس حبيت ارد
فاااااالك الوظيفه الطييييييبه
تحياتي - الف مبرووووووك
ماشاء الله تبارك الله اللهم بارك لك - بالتوفيق يارب الله يرزقك ويرزقنا الرزق الحلال يارب
- مشكورات يابنات طيف القحطاني وغدير وهاي لولو بس تكفون ماجاوبتي على اسئلتي تكفون جاوبوني
- ماشاء الله
مبروك يالغلا
مواضيع مشابهة
تابعي تجارب أخرى من هذا القسم.