اللي جربت الحلتيته تفك حيرتي؟؟؟؟

هلا فيكم كروشات
انا من كثر ما اقرى عن الاشياء اللي تستخدمينها وقت الطلق وتسهيله انفجر راسي خخخخ
وانا من النوع الخواف ما استخدم خلطات واشياء داخليه
المهم استقريت على الحلتيته
بس انتوا حيرتوني مره تقولون تفتح الرحم بس ومره تقولون لالا هي بس تقوى الطلق وتكون خطره
اذا ما فتح الرحم
مين عندها الجواب الشافي ومين جربتها تفيدنا الله يجزاها الف الف خير

29 تعليق 38,058 مشاهدة

شاركي في النقاش

سجلي الدخول لإضافة تعليق.

التعليقات

29
  1. ما ادري الصراحه
    انا قبل اسبوعين تقريبا جابها لي زوجي مع مجموعة اعشاب النفاس اللي طلبتها منه
    وانا ما اعرف الحلتيته كيف شكلها
    فهو جالس يمزح معاي قال لي اتحداك تعرفين كل عشبه ايش هي
    لانه يدري اني مييييح بالاعشاب بس طالبتها منه لاني قريت عنها هنا بالمنتدى
    المهم جلست اطالع بكل كيسة اعشاب واشمها واقول له ايش اتوقع ان هذا
    لحد ما وصلت للحلتيته وشميتها وريحتها الصراحه صكت رااااسي شيينه
    قلت له اكيد هذي حلتيته من ريحتها توقعت انها هي من وصف البنات لها ضحك قال ايه هذي هي
    وبعدها بنص ساعه نزل مني دم وبطني بدأ يألمني بس ما جاني طلق
    اما اختي لما بدا معها الطلق وانفكت مويتها شمت حلتيته وتبخرت فيها وما أثر فيها ابدا
    بالعكس ولدت قيصري
    تعبت يا عمري عليها على الفاضي
    فأتوقع ناس يأثر فيهم وناس لا
    انا شكله يأثر فيني لاني بس شميته ونزل مني دم
    فخفت منه وما افكر استخدمه الا لما يشتد معاي الطلق
  2. @tohan

    صاحبة الموضوع
    r1n5t7
    ما ادري الصراحه انا قبل اسبوعين تقريبا جابها لي زوجي مع مجموعة اعشاب النفاس اللي طلبتها منه وانا ما اعرف الحلتيته كيف شكلها فهو جالس يمزح معاي قال لي اتحداك تعرفين كل عشبه ايش هي لانه يدري اني مييييح بالاعشاب بس طالبتها منه لاني قريت عنها…
    مشكوره على المشاركه والله يقومك بالسلامه يارب
    وننتظر المزيد من تجارب البنات
  3. @ghzal_albrary_2

    نفس الكلام عن القرفة والخروع
    ناس تقول يجيب طلق ومايفتح
    وناس تقول يفتح بدون طلق
    والله اعلم انها تختلف من وحد لثانية
    انا عني مافي شي اثر فيني لا خروع ولا قرفة ولاجماع ولا حلتيته ولا عشبة مريم ولا ولا ولا.........
    ماولدني الا الطلق الصناعي

تابعي تجارب أخرى من هذا القسم.