الى الله نشكوا

السلام عليكم ورحمة الله وبركاته
اخواتي كل من انعم الله عليهن بالابتلاء اعذروني يشهد ربي اني لي يومين اكتب الرساله معليش كنت حابه اكتبها من اول بعد ربي ماكتب لي عمر جديد الحمد الله حول زوجي وعيالي واهلي
بس ان شاء الله اصير اكتب بسرعه اكثر
اخواتي فعلا مايحس بالشي الا الي يجربه مافتحت الموضوع عشان والله الشكوى او اواسي او اخفف عليكم هموم ليتني اقدر بس كل انسان له طاقه ومن تجربتي ان فعلا كلا عنده هم وهم اكثر من اخوه المسلم
يعني لو رحنا اشتكينا لبعض صح نخفف بس ماتتخيلين ان اذا رحتي لسجادتك وشكيتي للي يستحق الشكوى
ماتتخيلين كيف في متعه بس تتقربين منه مو هو الي ابلاتنا هو احق اني الجا له عشان يخفف علي ويحطني تحت رحمته
والله العظيم يا اخوات ان اول ماقمت من الي كنت فيه الحمد الله شي بسيط عن غيري الي مريت فيه
بس يشهد ربي ان كنت في عالم ثاني احمد ربي ان زوجي صبر علي واهلي وقفوا جنبي بس الحمد الله
ماكنت الا اتذكر ربي وادعي واحس براحه والله ماحس بالي حولي ابكي اني مو مستوعبتهم يتكلمون وبس يذكروني وبس عيالي والله ماقدر امسكهم بس اخواتي تقربوا من الله وشوفوا النتيجه الطعم لاتقولين والله اصلي اسجد ادعي تقربي واشتكي له هو ربي الاحق فينا
لاترمين همك لغيرك وربي موجود ما ابتلانا الا يبي يشوفنا بنلجا له عمر الي يلجا له مايخيب
الحمد الله علا الي انا فيه والي بيجي من ربي زود الحمد الله عليه
ابي اشكر وحده ماتركتني سمعت انها ابد ماتخلت عني رغم مانعرف بعض الا بالمنتدى حلا قهوة جد شكرا الله يسعدك ويرزقك الي تتمنيه
اسفه طولت عليكم الله يشفي كل مرضى المسلمين ويرزقكم الصبر والصحة والاجر

11 تعليق 2,873 مشاهدة

شاركي في النقاش

سجلي الدخول لإضافة تعليق.

التعليقات

10
  1. @goooorry

    ياحياتي انتي يا ام نواف ورواف انتي بقولوبنا والله والكل يدعيلك من كل قلبه طهوووووور ان شاء الله
    صادقه ياقلبي بكل كلمه قلتيها والله يشافينا جميعا
    بجد فرحت بكلامك الله يفرحنا بتمام صحتك وعافيتك وجميع المسلمين اللهم امين
  2. @km_alkhyal

    الله يشفيك ياقلبي ويلبسك لباس الصحه والعافيه
    ويحفظ اولادك ويكبروا قدام عينك وتزوجيهم
    مافيه ارحم من الله
    اذا ظاقت دنياك افرشي سجادتك وصلي
    والله يشفيك ياعسوله
  3. @tratylquot

    الله يديم عليك الصحه والعافيه حبيبتي
    صدقتي يالغاليه مافي اجمل ولا الذ من الشكوى لله
    ربي يلطف بحالنا ويرحمنا برحمته والمسلمين اجمعين
    اللهم ياحي ياقيوم ان تشفي ام نواف شفاء لايعوده سقما
    وتفرح قلبها بصلآح ابنائها وتسخر زوجها ومحبيها لها يآآآآآآآآآآآآآرب..
  4. @abtsm_11

    صدقتي الله يجزاك خيير
    جد بناات اذا حسيتي انك ودك تبكين او حزينه حااولي تحبسين دمووعك لقياام اليل
    سبحاان الله بكـاا القياام والصلاه راااحه وطوول اليووم تحسين انك مطمئنه وقلبك منشررح
    الله يجزاها مرة اخوي بداية المرض قاللتلي كل ماااحسيتي انك ودك تبكين اشتكي لله وابكي وفعلا تحسين برااحه .لأأن الناس ماراح يفيدونك بشي مجرد بس انك تحزنينهم عليك...
    الحمدلله ع كـل حاال
  5. صاحبة الموضوع
    الله يجزاكم خير ويشفي كل مريض امانه لاتزعلون لو مارديت علا كل اخت بطه معليش اصبروا علي باذن الله بالاراده برجع ازعجكم اكثر من اول وبتملون مافي اعظم من الله اخت هنوتي ترا بس لو قوينا ايمانا بالله والله ماحد اشتكى الا لربه ويارب نكون اخوات في الله في هالتجمع نخفف علا بعض ونفرح لبعض بس لانحزن ولا نشكي يكون هالقسم بس فرحة ودعم وامل

تابعي تجارب أخرى من هذا القسم.