الرجل يحب الزوجه العاقله وللا المجنونه المعطائه وللا الي تحب نفسها ؟ من تجربتك افيدين

Up

الرجال انواع وعقليات مختلفة عن تجربة جارتي تهتم في زوجها وماتطلع كثير وتخاف منه ماتسولف في الجوال او التلفون اذا موجود وماتطلع عندي اللى اذا خرج زوجها من البيت وترى هم شباب بس والله العظيم انه رافعها ومكرمها ماشاءالله تبارك الرحمن وسفريات ويحب اهلها

حسب العقليه

بس بشكل عام اهتمي بنفسك ولا تقصرين لكن لاتصيرين شديده .. عطيه حقوقه و هلي فيه ورحبي و صيري سنعه معه
خليه يحس انك عندك حياه مستقله عنه
صديقات
ثقافه
عمل لو تشتغلين
مجتمع
اهل
قراءه
هوايات
مولازم يعرف كل فتفوته فحياتك
خليه يتفاجأ انك عندك شي جديد يكتشفه ويحاورك فيه

خليك دلوووووووووووووووعه وهذي مهمه .. حتى لو قال لك ما احب الدلع لكن خليك دلوعه ما عليك.. قولي انا كذا !! حتى لو انتي عربجيه
بس لا تصيرين لصقه << يعني اللي تتميلح و كله لازقه في زوجها و راسها على كتفه و دعله .. هذي ما احد يحبها !! ههههههه
دلوعه يعني ناعمه وانثى ورقيقه .. اعتقد تصيرين انثى رقيقه ما يحتاج تتلزقين فيه <<في كثير حريم فاهمين الانوثه غلط

ارتقي بالفاظك .. لو عندك كلمه مو زينه او متعوده على كلمه مو حلوه .. كنسليها تماما .. ما احد يحب الاسلوب الشعبي بالكلام
و هذي لاني شفت ناس من هالنوع فا كان زوجها ينزل بالكلام الى مستوى سووووقي عشان يفهمها ان لا تقولين هالالفاظ وصارت حواراتهم واطيه من ناحية الالفاظ... هالشي مهم ويفقد المرأه انوثتها


صيري مرحه و هالشي مهم انك متفائله ومرحه جدا يعني تاخذين الامور بسعه صدر وتدورين الحل بدل ما تتذمرين من المشكله


صيري غامضه لان الرجل يحب يبحث و يستمتع بالبحث باسرارك.. مو كل شي ينقال
رجعتي من بيت اهلك مو لازم تصبين في اذنه كل شي
جاي من السفر مو لازم تقولين له تقرير مفصل عن احداث البيت
راجعه من حفله او سهره مو لازم يعرف ان اهله او اهلك او فلانه او علانه صار لها كذا وكذا وكذا والاكل مو زين والعروس حليوه والديكور مدري وش فيه
حتى لو يحب يسمع هالسوالف .. ترى راح يقيمك من خلالها .. راح يحط لك صوره معينه على اساس كلامك معه

لا تصيرين ضعيفه نهائيا .. مات زمن الانثى الضعيفه.. اللي تغرق بشبر مويه
خليك عمليه و مبتكره عشان يتطمن انه تارك بالبيت انسانه يعتمد عليها

لكن لو تعاملتي بجهل مع الامور ماراح يثق بحسن تصرفك ولا راح يشوفك كا عقليه واعيه يهمه رأيها بالامور



هذا اللي قلته كله فوق من واقع تجارب ناس حولي .. و اخطاء شفتها بحياتهم

و العاقل من اتعظ بغيره