السلام عليكم ورحمة الله وبركاته
ياخواتي الله يرضى عليكم
ابيكم تدققون بالآية وتعرفون معناها وهي :
قول الله تعالى : ( ووضع الكتاب فترى المجرمين مشفقين مما فيه ويقولون يا ويلتنا مال هذا الكتاب لا يغادر صغيرة ولا كبيرة إلا أحصاها ووجدوا ما عملوا حاضرا ولا يظلم ربك أحدا ( 49 ) )
وابيكم تدققون بحديث امنا عائشة رضي الله عنها :
عن عائشة رضي الله عنها قالت : قال لي رسول الله صلى الله عليه وسلم : ( ياعائشه عليك بتقوى الله عز وجل , والرفق , فان الرفق لم يك في شئ قط الا زانه , ولم ينزع من شئ قط الا شانه )
الله يازين الحديث ويازين الرفق في كل شي
دققتوا عدل ربي يحفظكم ،،
طيب ..
اللي خلاني اكتب هالموضوع ردود البنات القاسية والغير لائقة لأغلب المواضيع
ايش اللي يمنع اني ارد على الموضوع باحترام صاحبته واحترام جميع البنات اللي يقرون ؟؟
ماتدرين انك بأسلوبك تكونين قدوة لغيرك من البنات يابنت العقيدة ...
لي فترة ادخل المنتدى في الليل وشوفوا المواضيع اللي مالها داعي وغير السب والشتم
حتى الاعراض ماخلوها الله المستعان ...
يابنات احنا ننتمي لخير امة أخرجت للناس ،، وين الأمر بالمعروف والنهي عن المنكر
((كنتم خير أمةٍ أُخرجت للناس تأمرون بالمعروف وتنهون عن المنكر ) )
ماتشوفون وش صاير في هالامة من فتن ومصايب
اشلون الوحدة لها نفس تتكلم وتسب وتلعن وبعض الكلام اللي يعور في القلب
للدول
والحكام
والعنصرية اللي زايدة عن حدها هاليومين
يااختي
ترى المشرفات تعبوا من كثر مايحذفون بهالمواضيع
مايبون مشاكل ومواضيع مامنها فايدة الا تزيد الفتنة وتشعل الحرب بين البنات
محتاجين للنصيحة والدعاء والله
في كل وقت وهذا الوقت بالذات الله يحفظكم
لاتتعرضون لأحد بسوء
ماعجبك الموضوع لاتردين
خليك دايما من اللي يأمرون بالمعروف وينهون عن المنكر فديتك ..
هذا الكلاه ودي اقوله من زمان
وان شاء الله يجد قبول في قلوبكم الطيبة
وأسأل الله لي ولكم التوفيق والسداد .
شاركي في النقاش
سجلي الدخول لإضافة تعليق.
التعليقات
32- بارك الله فيك
المشكل ان الكثير اذا مو الكل عارف هالكلام
لكن فئة منهم لاشافت موضوع قامت ترد وتخبط يمين وشمال
ونست كل اللي قراته لانها خلته كمعلومه
ونست انه شرع ومنهج حياة نكسب من وراه سعادة دنيا واخرة
الله يهديني ويهدي الجميع ويرينا الحق من الباطل - جزاك الله خير
- صدقتي والله
تسلم الانامل
وصح لسانك وعلا شانك
وجزااااك ربي الجنه........ - جزاك الله خير
وللاسف كثير منا غفل عن ترك الجدل اللي جاء في حديث الرسول اللهم صلي وسلم عليه ولو كان محقا
اغلب المواضيع الفترة الحالية مستفزة
للاسف حتى بعض المواضيع اللي كتبت بهدف النصح
وبسبب ذلك اقرا وابطل ارد حتى لو كان عندي رغبة - سلمت يمينك عزيزتي
فكرني موضوعك بمجلس الامهات بالمدارس دائما اسمع هذا التعليق
المدرسات والمديرة (في المجلس مايجونا الا اللي بنتها شاطرة واللي بناتهم كسلانين نبغاهم يجون ومايجون
بس بجد المواضيع اللي تشبه موضوعك مايدخلونها اللي مكتوبة عشانهم
بدليل الاحظ كل الردود اللي تشارك تدل على فكر واعي
والدليل الثاني ... الردود الجارحة مستمرة
مواضيع مشابهة
تابعي تجارب أخرى من هذا القسم.