السلام عليكم ..
بدخل في الموضوع على طول ..
زوجي تعبت منه ما اعرف كيف اتعامل معاه ولا افهم له مره
واحس هو مو مرتاح مره معاي يعني مثلا احسه غامض مره يعني
مايقول لي كل شي ولما اسأله يقولي هذا شي خاص فيني
ومره لما طلبت منه الباس وورد حقه في الفيس بوك رفض!!
قلت له عطني سبب قالي مافيه سبب هذا شي خاص فيني
وسكري الموضوع انا للحين ماسكرت الموضوع بس من حقي
كشريكة لحياته مايخبي عني شي .. ومره اخته ارسلت له مسج الفجر
ولما سألته من مين ؟ قال من صديقي ! لكني مشيت الموضوع
ماقلت له اني شفت الأسم وهو يقرا الرساله ..
احس اني ماني اقرب وحده له واحس اني مافهمته زين
وهالشي منغض علينا حياتنا ..
ودايم احسه وده يمشي رايه علي حتى لو هو مو مقتنع
فاهم الرجوله انها تحكيم راي .. واحيانا يجرحني بكلامه اذا تهاوشنا
وازعل يجي يعتذر ويقول انه مايقصد و بالأخير ارضى لكن ما احس
انه ارتدع .. ولما يراضيني مايجيب لي هديه احسه جاف مره معي
وجلافته متعبتني كيف افهمه اني احتاج لمشاعر ؟
يمكن مافيه شي بديكم بس حبيب افضفض ..
الي عندها رأي او مشوره لا تبخل علي
شاركي في النقاش
سجلي الدخول لإضافة تعليق.
التعليقات
35- حلوة تطلبي الباس وورد
حلو يكون بين الزوجين خصوصيات
مو لازم كل شيء تعرفيه عنه
زي اسراره مع اهله مالك دخل فيها
هذا رئيي - صارحيه او ارسلى له رساله عن طريق الجوال
احيان الكلام مايجى قدامه
بس فى الرسائل
والله يسخره لك - زوجي نفففس زوجك غاامض ومايتكلم لي باي شي يصير واحس اني الا الان مافهمته ولي عشر سنوات معه وسعي صدرك تصدقين عاد انا نويت نيه بجربها اني اطننننننشه مرررره يمكن يصير عنده مشاعر واسمع منه كلا حلو ويتغير جفافه لرطوبه هههههه
- الله يسخره لك يارب اذا توك في بدايةالحياه معاه تحملي وادعي ربي وبيجي يوم ويسخره ربي لك وبيعرف انك اقرب الناس له وابعدي عنى الاشياء الي تجيب الزعل بينكم لانه كذا بينفر منك حاولي تتجاهلي اشياء صح انه يقهر بس تحملي وادعي ربك..وحاولي توضحي لها انه كل شي بحياتك ..دعواتك
- الله يسسسخره لك
مواضيع مشابهة
تابعي تجارب أخرى من هذا القسم.