السلام عليكم
سالفتي سالفه.. وطاقتني الحيره والغلقه
ومالي الا الله ثم انتم تطمنوني.. قلت يمكن وحده منكن
صارلها او مرت بالهالموقف
السالفه ان بنتي طاحت قبل 4 ايام طيحه عاديه كأنها
راكعه وشلتها وهي تصيح ورضعتها واسكتت شوي بس
من لحظتها موراضيه تمشي او حتى توقف على رجولها
سوينالها اشعه وقالو مافيها شي والغريبه انها ماتحس بشي
لما ادلكها وادهنها بزيت حتى اني اضغطها من كل مكان
بس عادي تضحك وتلعب
يعني البنت جداً طبيعيه بس ماتمشي ولاتوقف وان جبرتها
توقف رفعت رجلها اليمين
حطيتها بالمشايه ونفس الوضع ماتوقف ولاتتحرك
انا جداً خايفه مدرس وش صايرلها والتفكير والخوف انها
ماتمشي مرعبني
مرختها بزيت زيتون وقرينا عليها بس ماتغير شي
الدكتور قال يبيلها كم يوم بس مالاحظت تغير
طمنوني وش تتوقعون فيها
ممكن يكون خوف؟؟
ممكن ترجع زي اول؟؟
هي عمرها سنه وشهرين وكانت تمشي وتقوم وتوقف
عادي من كملت سنه
الله يرزقها من واسع فضله اللي ترد علي
جداً خايفه
شاركي في النقاش
سجلي الدخول لإضافة تعليق.
التعليقات
21- ان شاء الله ما فيها شيء
يمكن بنتك خايفه دام انكم سويتوا لها اشعه وطلع مافيها شيء
ترى الاطفال اكبر خوفهم انهم يطيحون
انتي حاولي تحطي قدامها شيء تحبه وامسي ايديها ومشيها الين توصلين له وعوديها اكثر من مره وان شا ءالله تصير تمشي مثل اول
لاتهوجسين يا قلبي - ان شاء الله ان مافيها شي يمكن خايفة انتي لا تجبريها وحاولي تنسيها الطيحه جيبيلها كوره والعبي فيها قدامها ولعبيها فيها وحبه حبه لين تمشي يعني كنك رجعتي من اول
- ان شاء الله مافيها الا العافيه
وبترجع تمشي وتجري .. بس هي بتمر بفترة خوف بس لابد مايروح هالخوف
ولدي كان مثلها وتعبني لين مشى ووقف والسبب نفس ماصار لبنتك طاح وخاف
انتي لاتشدي عليها واتركيها فترة راحه وبترجع ان شاء الله لوضعها
ولاتقلقي ياقلبي - ياحبي لكن
والله اني حاطه كل اهتمامي فيها
بس ابد لاصقه بالارض ماتبي تتحرك
صح هي رجعت تزحف على مؤخرتها مثل لما كانت صغيره
قبل ماتمشي لأنها ماحبت
مرات اقول فيه شي مانعها بس لما اشوف وضعها اقول
مافيها شي ليش ماتمشي - ياقلبي عليها
بتمشي اكيد
بس خوف اللي فيها
حاولي تجيبين شي يلفت انتباهها وخذيه بعيد عنها وكانك بتطلعين شوفي يمكن تقوم تمشي
<<<<< ام الحلول اللي مدري وش تبغى
الله يطمنك عليها
مواضيع مشابهة
تابعي تجارب أخرى من هذا القسم.