₪Ξ❤Ξ»¯−ـ‗_ღ أحلى تجـمع للحوامل الرابطات (ربط عنق الرحمـ) العشرون ღ_‗ـ−¯«Ξ❤Ξ二₪

متابعة النقاش، صفحة 265

شاركي في النقاش

سجلي الدخول لإضافة تعليق.

التعليقات

1,991
  1. انا مرتاحه

    غريبه !!
    الشدّ انا حسيت فيه اول اسبوعين بس وبعدين اللهم لك الحمد والشكر اللهم بارك لااله الا الله << كله خايفه من العين .. شوي واختم القرآن خخخ
    الموهم بعد اسبوعين رجعت الامور طبيعيه .. او يمكن في شد بس تعودت عليه
    والافرازات قولي للدكتوره تشوف لها حلّ .. تاكدي كل شهر انه مو التهاب وسوي تحليل بول ومسحه
    بس قوووويه انج ماتقدرين تمسحين من تحت من قوة الشدّ !!!!!!!!!!
    قولي للدكتوره حبوبه لاتسكتين على عمرج .. وانتي هدّي نفسج بعد النفسيه اكيد لها دور
    والله يثبت حملج وحمل الجميع يااااااااااارب
  2. @aayon_alamarat_7

    صاحبة الموضوع
    * حـلا *
    مشكورين البنات اللي ردوا علي حروف نور ,عديدا,عيون الامارات من جد ريحتوني الله يسامحها الدكتورة خوفتني وتقول مافي وقت مشكورييييييييين الله يوفقكم يارب
    * حـلا *


    الـــعــفــو حبوبة

    والله يسهل امورج يارب





    3deda

    هيه بس مو الكل يعطون عيالهم الحلبه

    انا يوم رحت السعوديه بنت ولد عمي هي الي خبرتني عنها اتقول من كتاب المتنبي كلها وصفات شعبيه

    ومفيده للكبار والصغار وما شاءالله هي مجبربتها في اولادها الاثنين

    وانا جربتها في بنتي وبصراحه كثيرررررر فادتها

    امه بيض ياربي اتخيييييييييييييييييل شكله وهم معه الحلبيب بصراحه لوعه

    بس صدقتي والله اهلنا اول مساكين ما يوسوسن اي وحده توصف لهم وصفه يطبقونها

    امه الحين الناس صارت تخاف من كل شيء

    ربي الحافظ الله يحفظهم لنا يارب




    بسبوسة الشرقيه

    حبوبة امورها طيبه بنتج وخلي عنج الوسوسه الله يهداج






    شهدة الياسمين

    الله يسلمج الطريقه الي سويتها لعفاري غير

    حطيت لها مقدار مرضعتها الصغيره ماي

    نفس حجم المرضعه اصغر وحده الي في الصورة






    اول ما يسخن الماي حطي تمرتين داخل الماي وخليه على النار


    خذي مقدار ملعقه الشاهي السليماني حلبه حبوب مش مطحونه




    وغسليها بالمشخال

    واول ما يغلي الماي الي حاطه في التمرتين على طول حطي الحلبه معاهم واول ما ما يغلي الماي قفلي النار واشخلي الماي وحطيه في المرضعه ودخليها الثلاجه خليه يبرد اشوي

    وعطي بنتج رضعه بس في اليوم وعادي لو خليتيها يوم بعد يوم وانتي على راحتج

    بس ما يحتاج اتخطين سكر انا ما حطيت لها لانه التمر محليه

    بس ما شاءالله تبارك الله مره ممتاااااااااز لعظام الجسم والشعر وتخليه دبدوب وينام اوكي

    بس لو اجه لبنتج ماغص لازم عطيها يانسون مغلي او دواء للماغص

    ايه صح بالنسبه للحليب لو مر عليه نص ساعه لا تعطينها ابدا






    انا مرتاحه 11

    اول شيء وكلي امرج لربج وخلي عنج الوسوسه وربي ان شاءالله بيتمم حملج على خير لا تعبين نفسيتج في اشياء بسيطه وتخليج تتعبين واتعب البيبي

    حبيبتي الشد احتمال يكون عندج التهاب بول يا التهاب في المهبل هذا شيء عادي

    خلي الدكتورة اتسوي لج فحص بول ومسحه لعنق الرحم

    او احتمال جفاف كثري شرب ماي ضروري اتكثرين منه

    والشد شيء طبيعي انحس فيه انتي ما عندج الماغنيسيوم ولا اليوتبار

    يساعدج على تخفيف الالم

    ودائما اقرأي على نفسج المعوذات واتصدقي بنيه ان الله يتمم حملج على خير

    والوسوسه كلنا تعبنا منها بس الحمدلله لك يارب

    عرفت الحين الوسوسه هي الي تعبت نفسيتنا والله ما كان يستاهل الموضوع الوسوسه ابدا







  3. عيون الامارات

    اعجبتني طريقة الحلبه .. 2 في 1 ..
    هذي قريبتي نفسها تعطي عيالها تمر من النفاس .. تذوبه لهم بماي مغلي وتسقيه لهم .. ماشالله ينظف البطن ويخفف المغص ..
    وطريقتج اختصرتي فيها الطريقتين ..
    يزاج الله خير حبوبه .. الله يبلغني واجربها
  4. البناااات اللي ولدوا

    مع اني ادري محد عنده وقت يرد علي ويعطيني فيس خخخخ

    بسألكم سؤال محرج ..

    نحفتوا ؟!؟

    خخخخخخخ .. شنو تاكلون وقت النفاس ؟!؟
    خففتوا اكل والا سويتوا نظام اكل معيّن ؟!؟

    والله احاااااااااااااتي وزني من الحين .. خايفه ماانحف .. خصوصا القيصريات ماينحفون بسرعه ..
    وبحملي هذا تنفخت ماااااااآآآره .. حتى ساعات مااقدر اسكر يدي من كثر مااصابع يدي منفخه ..
    مع اني سويت تحليل لزلال الحمل وطلع سليم .. بس الدكتوره قالت لي ممكن تتجمع السوائل في جسم الحامل ومايكون زلال .. واصلا الابر المثبته وظيفتها تحبس سوائل الجسم .. الله يعين

  5. على فكره عيون

    اعجبتني الرضعات حييييييييييييل :)

    امووووووت بـ ويني ذا بوووه ;)

تابعي تجارب أخرى من هذا القسم.