الله يسعدها دنيا واخره الي تدخل وتدعيلي انا وعيالي

ذبحني فراق عيالي ومحد حاس فيني

ابويه كل شوي جايب لي عريس يبغاني اتزوج وانساهم

والشهاده لله جاني ناس ماينردون لكن انا نفسي عافت الزواج..

روحي متعلقه في عيالي ابي اعيش معاهم ابي احقق لهم احلامهم ..مقدر انسا هم

ولدي عمره عشره سنين وهم رايحين المطار راجعين لابوهم كان يبكي بطريقه تقطع القلب وكان يصيح وهو يسالني لييييييش يا ماما صار كذا ؟؟لييييييش ماصار عندنا ام وبيت.؟؟. لييييييش رحتي ؟؟..ماما ارجعي الله يخليك ..مااااااماا اطلبي مني الي تبين والله لسويه لكن ارجعي معانا ..مامالاتزعلين خلاص ماعاد عندي احلام ولا بصير طيار والله ياماما اكتشفت ماعاد فيه شي مهم بالدنيا كل القصور والاموال والشهادات والله ياماما مو مهمه تدرين ايش اهم شي بالدنيا ((الام ))وبس..وابويه يبي يهديه قال انت رجال الحين وعيب تبكي الرجال مايبكون وعصب وصاح اكثر قال انا رجال ونص ومافيه شي يبكيني بالدنيا الا فراق امي والله محد يمنعني ابكي على امي والي مايبكي على امه ماعنده احساس ..

اااااااااااااااااااااه يابنات وربي ذبحني كلامه ولدي طموح وطفل سعيد ومتفائل احس الي صار غير نظرته للدنيا وحطمه ..


ااااااااااااه احسها مقفله بوجهي من جميع النواحي ابويه وامي زعلانين مني يبوني اتزوج ..وطليقي يهددني..

قبل فتره جاني واحد عايش بنفس المنطقه الي عيالي فيها وقلت يالله بجرب حظي واهم شي بكون قريبه من
عيالي وبيزوروني واروح لهم المدرسه و...ويوم درا الا ويرسل يهدد ويتوعد ويقول اصلا ليش مستعجله عالزواج الهالدرجه هانت عليك العشره وحلف لياخذ العيال ويسافر ومحد يدري وين اراظيهم ..
قلت له طيب مستحيييل اتزوج لكن خلهم عندي انا بربيهم ورفض ..مدري ايش اسوي وقبل فتره ارسلي رساله يقول اكتشفت انا مسحورين.. وهو فعلا تصرفاته اصلا ماكانت طبيعيه وربي ماكان كذا ..لكن مابيدي شي ..وربي ماعاد ادري كيف اتصرف

وابويه رافض اروح المحكمه ارفع قظية حظانه يقول تزوجي واتركيهم مع ابوهم ..
بنات كل وحده تحط نفسها مكاني ايش بتسوي ؟
وكيف تتصرف؟

وربي مظغوطه وماني عارفه ايش اسوي

واهم شي

ادعولي انا وعيالي ان الله يفرج همنا ويجمع شملنا وينصرنا على من ظلمنا وحسبي الله ونعم الوكيل .

96 تعليق 5,957 مشاهدة

شاركي في النقاش

سجلي الدخول لإضافة تعليق.

التعليقات

90
  1. @aalty_aalh_1

    الله يفرج همك ويهون عليك ويجمعك باولادك ويحنن قلب ابوووهم عليك وتآخذي اولادك يااارب
  2. @bnt_511_roq

    يالله يا اختي

    انا مقهههورة كيف كذا مستسلمه

    ماعليك من ابوك روحي وارفعي قضية حضانة من حقك

    ترى ابوك بكرة بيموت بعد طولت عمر وعيالك مع السنين بينسونك

    راح تلاقين نفسك لحالك

    روووووووووووووحي سوي المستحيل علشان عيالك

    وريهم انك ذبحتي نفسك علشانهم

    اعوذ بالله كيف نفسية ولدك الحين

    اقلها اقلها اذا ماقدرتي تاخذينهم روحي لهم كل خميس وجمعه اخذي شقة مفروشة جنبهم واخذيهم عندك

    خليك قريبة منهم

    حسسيهم انك معهم لو قصرتي شوي

    بس ماتتخلين بهالسهولة علشان ابوك

    ابوك على عيني وراسي بس ماتصيرين ضعيفه وتطيعينه حتى في حق من حقوقك

    ابوك ماله دخل وحرام عليه يحرمك من عيالك

    كفاية الزوج راح لاتفرطين بعيالك علشان طلاق وسحر ورفض ابوك

    هذا مالها تفسير بقلوب الاطفال

    مايعرفون شي

    والله اني مقهورة مرررره واحسهم عيالي واتخيل شكلهم

    يارب يارب تجمعهم مع بعض

    حاولي ترجعين لزوجك حتى لو فيه مشاكل بس كوني عند عيالك كوني عند ضناك

    لاتخلين كائن من كان يفرقكم

    لاتتخلين عن ضناك هذا ضناااا ضنا ياناس واطفال بريئين

    يارب يصبر قلوبهم



    انتي تقدرين تسوين اشياء كثيرة

    ربي يقول اسعى ياعبدي واسعى معك

    لاتجلسين بس تدعين

    لاتتزوجين احد ثم صدق تنحرمين من عيالك

    والله لأدوس على نفسي ورغباتي علشان دمعه من دموع ولدي علي

    مو قهر وبعد ودمووووع

    يارب تربط على قلوب هالصغار وترحمهم يارب انت ارحم الارحمين


    تراني جربت الي جربه ولدك اقسم بالله انه اقرب للموت اذا ماكان موت فعلا

    خلاص ماعاد اعرف وش اقول عيوني تدمع

تابعي تجارب أخرى من هذا القسم.